amalinks wokungena

Breaking News

Abantu Bathola Ithuba Lokuhlolwa Igcikwane leHIV 'Bekholisa' eHarare


Omunye walabo abahlolwe igcikwane leHIV.
Omunye walabo abahlolwe igcikwane leHIV.

Abesikhwama seMelika esokuphathisa abalegcikwane leHIV, ufuba leminye imikhuhlane, ese President’s Emergency Plan for Aids Relief (PEPFAR) bapha uzulu osembukisweni weHarare International Festival of the Arts, ithuba lokuhlola limkhuhlane ngaphansi kwesihloko esithi ‘Start Free, Stay Free, AIDS Free’.

Uzulu ubelibaziswa ngendlela ezehlukeneyo okubalisa ingoma lemidlalo yama drama.

Ummeli wakweleMelika kuleli, uAmbassador Harry Thomas Jr., uthi benze lokhu ukujabulisa uzulu kungekho nhlawulo ngasikhathi sinye etholiswa imfundiso kweziphathelene lezegciwane HIV/AIDS.

Osebenza ekuhlangothi lokukhulumisana lozulu emahofisini ommeli wakweleMelika kuleli, uMnu. Sizani Mandanda Weza, uthi uhlelo lolu lukhangelelwe ukuthi luzasiza abantu abanengi.

Ummeli weMelika eZimbabwe, uAmbassador Harry Thomas Jr.
Ummeli weMelika eZimbabwe, uAmbassador Harry Thomas Jr.

Abasebenzisana labesikhwama sePEPFAR, abe Zimbabwe Association of Church Related Hospitals (ZACH), bazile labo ukuzabukisa bekundawo esemgwaqweni uFirst Street.

Isiphathamandla sohlangothi olubona ngezokuhlelwa kwenhlelo kulenhlanganiso yeZ.A.C.H, uNkosikazi Anna Rufu, uthe uhlelo lolu luqakathekile okumangalisayo.

Bebekhona labenhlanganiso ephatheke kwezokutholisa uzulu ulwazi losizo kwezokulondoloza imhuli lendlela zokuzivikela kugciwane abe Population Services International.

Umbukiso we HIF owalonyaka uqale Ngolwesibili njalo uzaphela ngeSonto.

XS
SM
MD
LG