Zidanile intathelizindaba, abameli bakahulumende, izihlobo labangane ngokubhubha kuka Foster Dongozi, obeyintathelizindaba esebenza kahle labanye bakhe kunhlanganiso yeZimbabwe Union of Journalists lezinye.
UDongozi, owake wasebenza eChronicle, Daily News leStudio 7, uchazwe ngabanengi njengomuntu owayezimisele emsebenzini wakhe.
Umphathintambo wogatsha lwezokukhitshwa kwemibiko lokusakazwa kwayo, uNkosikazi Monica Mutsvangwa, utshele akade besesililweni sika Dongozi eHarare namuhla ukuthi umuyi ubengumuntu olunge kakhulu.
UNkosikazi Viviene Marara Zhangazha, okunhlanganiso yeZimbabwe Association of Community Radio Stations, uthi ilizwe lilahlekelwa.
UMnu. Liberty Mkhululi Luphahla oweRadio Zimbabwe, ulombono ofanayo.
Kusalungiswa amaphepha okungcwaba uDongozi, obesebenzela eHarare.