amalinks wokungena

Breaking News

Iqembu leZimbabwe Linqoba eleBarbados Kumcintiswano Wenkezo yeNetball World Cup


2019 Vitality Netball World Cup

Iqembu leZimbabwe linqobe eleBarbados 66-41 emdlalweni webhola lokuqaga kunkezo yeVitality Netball World Cup odlalelwe eLiverpool ngoLwesibili.

Iqembu leli, elaziwa ngokuthi yiGems, lizangqikilana lele Malawi ngoLwesine. Liyenelisa ukungena kusigaba esilandelayo linganqoba eleMalawi. Nxa lingaphumelela lizakuba ngelinye lamaqembu ayisitshiyangalombili alakho ukungena kuma finals enkezo yeWorld Cup.

Umqeqetshi weqembu leli, uLoyd Makunde, utshele intathelizindaba ukuthi ubevele ekhangelele ukuthi amantombazana la azadlala okumangalisayo ngoLwesibili.

UMakunde uthe ubevele ekhangelele ukuthi iqembu leli lilakho ukunqoba eleMalawi.

“Bengivele ngikhangelele ukuthi sizanqoba iqembu leBarbados. Sikhuphula umdlalo wethu sonke isikhathi. Silethemba lokuthi sizathuthuka sibe kuzinga eliphezulu emhlabeni wonke jikelele. Sesibonile ukuthi amaqembu wonke ayanqobeka. Lokhu kuyenzakala kunkezo yeWorld Cup.”

Iqembu leZimbabwe lanqoba ele Sri Lanka 79-49, lanqotshwa ngele Australia 73- 37, lanqoba eleNorthern Ireland 51-49. Lanqotshwa ngele New Zealand 36-79 ngoMvulo.

Facebook Forum

XS
SM
MD
LG