amalinks wokungena

Breaking News

Iqembu leZimbabwe Linqotshwa Ngele Uganda Emdlalweni weVitality Netball World Cup


2019 Vitality Netball World Cup

Iqembu leZimbabwe lomdlalo wakuqaga ibhola elamGems libhuqwe ngele Uganda 58-47 emdlalweni wokucina owe 2019 Vitality Netball World Cup okwenze ukuthi liqede lingelesitshiyagalombili.

2019 Vitality Netball World Cup
2019 Vitality Netball World Cup

Badlale kahle okumangalisayo abeZimbabwe lobanje besokukhanya ukuthi sebekhathele kulandela ukudlala kwebo imidlalo eminengi.

Babhuqwe ngele Uganda bacine umncintiswano lo bekusigaba sokuyisitshiyangalombili kumncintiswano lo ogqitshwe ngeSonto.

Iwembu leNew Zealand linqobe eleAustralia 52-51 emdlalweni wokucina womncintiswano lo lathola isicoco seWorld Cup. Ele Australia beselileminyaka elitshumi lambili libambe isicoco lesi.

Iqembu lama Gems lifika kwele Bhilithane lalingaziwa ngitsho lakancane. Kodwa abadlali beqembu leli sebedume okwamagama, bathandwe ngabantu abanengi ngokudlala umdlalo wokuqaga ngezinga eliphezulu kunye labalandeli babo ababehlabela begida besekela iqembu kumidlalo yonke.

UNkosazana Esla Ndlovu, odlalela iqembu lamaGems, ubonge kakhulu ngabakwenzelwa ngabantu abadabuka kwele Zimbabwe abahlala eBhilithane.

2019 Vitality Netball World Cup
2019 Vitality Netball World Cup

“Bakwethu ngiya thanda ukulibona ngento elise nzele zona ngoku sisapota all along and into engiyi thandayo futhi sidlale kuhle nje ngabantu akade beqala ukudlala ku World Cup. And njengoba lalibona umhlaba wonke jikelele, sasizama kakhulu and lathi sikhangelele ukuthi nxa kuthiwa sesibizwa ukuthi siye kuma trials ufika wenze into ezinhle. Abantu abanengi bangithandile. Ngakhuluma labantu ababili abadabuka kwele Australia bathi sintshintshane inombolo zikamakhalekhukhwini njalo lama emails. So, angazi bazangibamba khona la nxa be serious.”

UMaNdlovu ukhuthaza intsha ukuthi iphatheke kumdlalo weNetball.

“… Ngibona angathi umdlalo weNetball lapho esiya khona esibuyela khona, sebe wuphakamisile. Sengibona ukuthi kumele beqakathekise abafazi. Ya, lathi ngibona kumele sibe le sponsorship njengabafana …. Into engingalitshela yona guys okwakuqala ngiyalithanda lonke, ngiya bonga nge support. Into engingalitshela yona yala lilokhe lizama okuncane, libuye kusport akwaziwa ukuthi impilo yakho iyavuka injani.”

2019 Vitality Netball World Cup
2019 Vitality Netball World Cup

Banengi abadabuka zeZimbabwe akade besiyasekela iqembu leli eLiverpool. Omunya wabo nguKhumbulani Ndlovu othi adlale kahle amantombazana eZimbabwe.

“Ye, sidliwe kodwa azamile kakhulu amantombazana silethemba lokuthi bazakwenza ngcono bangaphatheka futhi kumdlalo weWorld Cup. Silapha nje ngoba sifuna ukubavalelisa ukuthi bahambe kahle sebe zobuyela ekhaya. Sibafisela uhambo oluhle.”

UNkosaza Sphiwe Mungoni, owabukela imidlalo yonke yamaGems, laye uthi adlale kahle amantombazana eZimbabwe.

“Badlale kahle sibili. Sikholisile ukubukela imidlalo yonke. Basikholisisile indlela abadlale ngayo, sibusisekile sibili. Sibafisela inhlanhla.”

AmaGems sethole abalandeli abanengi ngendlela abaziphathe ngayo kulimdlalo. Bathi sebelinde umdlalo wenkezo yomhlaba wonke jikelele ozakwenzelwa kwele South Africa ngonyaka ka2023.

Iqembu lamaGems lilubhekisa ekhaya ngoMvulo kukanti-ke ngeSonto ntambama kuyalalwa kugidwa emcimbini abawenzelwe ngabadabuka kwele Zimbabwe abahlala eBhilithane.

Udaba Esilethulelwe NguEzra Tshisa Sibanda
please wait

No media source currently available

0:00 0:03:00 0:00

Facebook Forum

XS
SM
MD
LG