amalinks wokungena

Breaking News

MDC-T: Amapholisa Kumele Abophe Abakhahlameza Omama


Abesifazane abakuhlangothi lwe Women’s Assembly kubandla le MDC-T bathi amapholisa kumele abophe abantu abadlwengula omama labantwana ukuze kwenqabelwe udlakela lolu.

IWomen’s Assembly emanyane lezinye inhlanganiso zabesifazana ukunanza amalanga e16 days of activism against gender violence oqalise ngoMvulo – ithi imithethwandaba layo kumele isebenze ngendlela ebalulekileyo nxa ithetha amacala okukhahlamezwa lokudlengulwa kwabantwana labesifazane.

Ithi kuyethusa ukuthi kulabomama abanengi abakhahlamezwa ngomkabo kanye labadlwengulwayo kwele Zimbabwe.

Kulabantwana abayinkulungwane lamakhulu ayisithupha abadlwengulwa eZimbabwe kusukela ngozibandlela lonyaka kusiyafika unhlangula njalo kulabesifazane abalitshumi lanhlanu abadlwengulwa elizweni nsukuzonke.

UNkosikazi Lindiwe Nyoni isakhamuzi se Dzvivarasekwa utshele iStudio 7 ukuthi akwenzakali ukuthi amapholisa eZimbabwe abophe bonke abantu abenza lokhu ngenxa yokuthanda ukufumbathiswa imali nguzulu.
XS
SM
MD
LG