amalinks wokungena

Breaking News

Ingcwethi Ezibona Ngokukhudumala Komkhathi Zithi Kuzwisa Usizi Okwenzakala Emaphandleni


Ingcwethi ezibona ngokukhudumala komkhathi lezokulima zithi abantu abanengi bathwele amagabha avuzayo ngenxa yokukhudumala komkhathi okubizwa ngeSilungu ngokuthi yiGlobal Warming.

Zithi abantu sebefelwe yizifuyo ezinengi ngenxa yokuncipha kwamadlelo lokuswelakala kwamanzi okudalwa yikukhudumala komkhathi.

UNkosazana Rejoice Moyo, ingcwethi ebona ngenswelo zikazulu emaphandleni, uthi kuzwisa usizi okubhekane lozulu.

UNkosazana Moyo uthi kumele eleZimbabwe liqhube inhlelo ezizanceda uzulu kulandela ukuhamba kuka Mongameli Emmerson Mnangagwa emhlanganweni oweUnited Nations Climate Change eScotland.

Lokhu kusekelwa nguMnu. Everson Ndlovu, ofundisa izifundo zokuvikela uzulu engozini yokudalwa yikukhudumala komkhathi lokunye ekolotshini leNational University of Science and Technology. UNdlovu uthi kulenhlelo ezenziwa nguhulumende ezinceda uzulu ezingancedi kakhulu abantu ababhekane lesikhudumezi somkhathi eMatabeleland.

UNdlovu uphinde wathi kumele abalimi bagcine inyamazana ezimelana lokukhudumala komkhathi.

Ukukhudunala komkhathi emhlabeni wonke jikelele kudala izulu lesikhukhula, indlala, imikhuhlane eminengi lokunye.

Ukukhudumala Komkhathi Kukhahlameza Abalimi Emaphandleni
please wait

No media source currently available

0:00 0:04:38 0:00


Facebook Forum

XS
SM
MD
LG