amalinks wokungena

Breaking News

Abalimi Bakhala Ngokukhudumala Komkhathi eZimbabwe


Bayakhala abantu eZimbabwe ngokukhudumala komkhathi okudala ukungani kahle kwezulu, ukuphundleka kwamadlelo kanye lokuswelakala kwamanzi okunatha, ukulima lokunye.

Abantu abanengi basalikhumbula izulu lesikhukhula uCyclone Eline kanye loCyclone Ida okwabulala abanye, kwabhidliza izakhiwo njalo uzulu watshelwa ngamabele wonke emasimini. Kayisikho kodwa lokhu njengoba abantu bekhala ngendlala, ukuswelakala kwamanzi lokunye okuthiwa kudalwa yikukhudumala komkhathi.

Bayakhala abalimi ngokwenzakala elizweni. Omunye wabo nguMnu. Mateu Sibanda, ofuya inkomo.

Lokhu kusekelwa nguMnu. Dumisani Nyoni, osebenza kuhlangothi lukahulumende olubona ngezokulima – olweAgritex.

UMnu. Everson Ndlovu, obona ngezokuguquka komkhathi lokunceda uzulu ohluphekileyo kuhlelo lweDisaster Management ekolitshini leNational University of Science and Techonology, uthi ukukhudumala komkhathi kudala umonakalo omangalisayo emhlabeni wonke jikelele lakwele Zimbabwe.

Uthi abantu kumele bavimbe ukukhudumala komkhathi ngendlela ezitshiyeneyo.

EleZimbabwe likhangelelwe ukuba lizakwethula amagqinga alo okulwisana lokukhudumala komkhathi emhlanganweni oweUnited Nations Climate Change owenzelwa eScotland. K

odwa eleZimbabwe likhala ngokuswela imali yokuqhuba inhlelo ezitshiyeneyo ezihambelana lalokhu.

Facebook Forum

XS
SM
MD
LG