amalinks wokungena

Breaking News

UMnangagwa Uthi Akukho Emthethweni Ukuvimba Ukhetho eZimbabwe Okweminyaka Eyisikhombisa


UMongameli Emmerson Mnangagwa.

UMongameli Emmerson Mnangagwa uthi kasoze amukele isicelo sabafundisi esokuthi kungenziwa ukhetho eZimbabwe okweminyaka eyisikhombisa.

Iphephandaba leSunday Mail libika ukuthi uMnangagwa uselobele incwadi inhlanganiso yeZimbabwe Heads of Christian Demonimations esithi isisekelo sombuso welizwe kasivumi ukuthi amise ukhetho njengalokhu okucelwa ngabafundisi.

Inhlanganiso le ekhokhelwa nguReverand Kenneth Mtata ifuna ukuthi kumiswe zonke ezombusazwe amabandla adlelane kahle ukwenzela ukuthi kulungiswe konke okuhluphayo kwele Zimbabwe okunjengokugugudeka komnotho okwethusayo.

Umtata uthi basahlolisisa incwadi kaMnangagwa. UMnu. Believe Gaule okubandla leZanu PF uthi usekela okwethulwe ngomongameli welizwe.

Ingxoxo Esiyenze LoMnu. Believe Gaule
please wait

No media source currently available

0:00 0:02:00 0:00

Ingcwethi kwezemithetho, uMnu. Matshobana Ncube, uthi kuyenzakala ukuthi kumiswe ukhetho okwesikhatshana njengalokhu okucelwa ngabafundisi.

Ingxoxo Esiyenze LoMnu. Matshobana Ncube
please wait

No media source currently available

0:00 0:01:44 0:00


Facebook Forum

XS
SM
MD
LG