Uhulumende wakwele Zimbabwe uthi usekhuphula iholo lezisebenzi layafika kunkulungwane ezedlula kancane itshumi Z$11,350 (US$151) yalabo abathola iholo eliphansi.
Uhlangothi olubona ngokuqhatshwa kwezisebenzi zikahulumende olwePublic Service Commission (PSC) luthi umbalisi osanda kungena kuhulumende uzathola inkulungwane ezedlula itshumi lambili - 12,591 (US$168) ngenyanga.
IPSC iphinde yathi izisebenzi sezizathola iUSD75 allowance ngesikhathi ziholo nyangazonke.
Kasenelisanga ukukhuluma ngodaba lolu leziphathamandla zenhlanganiso zababalisi lezinye izisebenzi.
Ababalisi bakhalala umsebenzi okwamanje besithi kumele bathole US$520 ngenyanga.
Inhlanganiso yeConsumer Council of Zimbabwe ithi imuli elabantu abayisithupha abahlala emadolobheni kumele ibelemali efika enkulungwane ezingamatshumi amabili ZWL20,985 (US$279.80) ngenyanga ukwenzela ukuthi ziphile kahle.