amalinks wokungena

Breaking News

Kambe ingxabangxoza kuZanu PF Ilulaza Ibandla Leli na?


UNkosikazi Grace Mugabe

Sebelume owangaphansi ababukele okwenzekala ebandleni leZanu PF lapho osokulemizamo esifike kuzinga eliphezulu yokuxotsha umsekeli kamongameli uNkosikazi Joice Mujuru esikhundleni kungakafiki isikhathi somhlangano weCongress ngoMpalakazi.

Bathi okwenziwa nguNkosikazi Grace Mugabe labanye bakhe asebedlithiza uNkosikazi Mujuru santando bayenza ukuthi ibandla leli lilulazeke loba nje amabandla aphikisayo esehluleka ukuthi ayenzeni ngalokhu.

Bathi amabandla la asephelelwe ngumphako njengoba ebukele okwenzakala kubandla leli lapho okucatshangelwa ukuthi uNkosikazi Mujuru ulecele lakhe elilwisana lelicatshangelwa ukuthi likhokhelwa nguMnu. Emmerson Mnangagwa umphathintambo wezemithetho.

Icele likaMnangagwa libikwa lisekelwa njalo nguNkosikazi Grace Mugabe ophinde wethula umbiko lamuhla eMazowe esabelweni seMashonaland Central ukuthi uNkosikazi Mujuru kumele abuyele ekhaya lapho adabuka khona koDotito njengoba engaqhubi kuhle umsebenzi njalo efuna ukugenqula umbuso kaMongameli Robert Mugabe.

UNkosikazi Mugabe ubekhuluma eMazowe labosomabhizimusi abazimele bodwa lalabo abathengisa impahla etshiyeneyo ezitaladeni.

Uphinde wathi uMugabe ulelungelo lokukhetha umuntu afuna ukuthi abengumsekeli wakhe emhlanganweni omkhulu weCongress weZanu PF okhona ngenyanga ezayo kaMpalakazi.

Abanye ababukele okwenzakala ebandleni leli zingcwethi kwezombusazwe uMnu. Mlamuli Nkomo loMnu. Nkululeko Sibanda osekolitshini leHuddersfield University eBhilithane.

XS
SM
MD
LG