amalinks wokungena

Breaking News

IZAPU, Ibhetshu Likazulu Labanye Bahambisa eHigh Court Abafuna Ukugebha Amathambo Ababulawa yiGukurahundi


FILE: Abantu babulawa libutho ngomnyaka ka2018 lanyakenye eZimbabwe. Inhlanganiso ezitshiyeneyo zithi abedlula inkulungwane ezingamatshumi amabili - 20,000 babulawa ngesikhathi sombhuqazwe weGukurahundi.

Inhlanganiso ezitshiyeneyo zithi zifuna kumiswe okwenziwa nguMongameli Emmerson Mnangagwa, inhlanganiso ezitshiyeneyo labantu abambalwa abakhankasela ukuthi kugejwe amathambo abantu ababulawa ngesikhathi sombhuqazwe weGukurahundi kusukela ngomnyaka ka1983 kusiyafika umnyaka ka1987.

Udaba lolu soluphanyekwa emthethwandaba libandla leZapu, inhlanganiso yeIbhethu Likazulu lezinye ezifisa ukuthi uMnangagwa, iMatabeleland Collective, uhlangothi lwezamasiko, uNkosikazi Jenni Williams lekhomishini yeNational Peace and Reconciliation bamiswe ukugebha amathambo abantu ababulawa yiGukurahundi.

UMqondisi wenhlanganiso yeIbhetshu Likazulu, uMnu. Mbuso Fuzwayo, uthi bafisa ukuthi uhlangothi lwezendaba zekhaya lubancedise ukuthi kulandelwe isinqumo somthethwandaba weHigh Court singethulwa kunsukwana ezilandelayo.

UFuzwayo uthi bafisa ukuthi umthethwandaba wethule isinqumo salo ngesiphangiphangi ukwenzela ukuthi uMnangagwa, uNkosikazi Williams labanye abasanda kwenza umhlangano ngodaba lolu bamiswe ukubamba amathambo abantu ababulawa yiGukurahundi eMatabelalnd leNkabazwe.

Inhlanganiso ezitshiyeneyo zithi iGukurahundi yabulala abantu abedlula inkulungwane ezingamatshumi amabili -20,000, ikakhulu ababesekela ibandla leZapu okwakuthiwa babesekela abahlamuki.

Kasenelisanga ukukhuluma leziphathamandla zikahulumende ngodaba lolu.

UFuzwayo uthi benza lokhu ngenxa yokuthi kulabantu abafuna ukwenza okungaqedakaliyo ngombhuqazwe weGukurahundi, okuthiwa wawukhokhelwa ngumuyi uRobert Mugabe, uMnangagwa labanye.

UNkosikazi Jennie Williams uthi kunengi abafisa ukukwenza ngombhuqazwe weGukurahundi.

Sebezama Ukuvimba uMnangagwa Labanye Bakhe Abafuna Ukugebha Amangcwaba Ababulawa yiGukurahundi
please wait

No media source currently available

0:00 0:07:43 0:00


Facebook Forum

XS
SM
MD
LG