amalinks wokungena

Breaking News

UMnangagwa Uzondisa Uzulu Ngokukhuluma Ezilume Ulimi Ngombhuqazwe weGukurahundi


FILE: UMnu. Emmerson Mnangagwa, Harare, Zimbabwe, Nov. 24, 2017.

Annahstacia Ndlovu

Izizalwane zeZimbabwe ezinengi zithi akujabulisi okukhulunywe nguMongameli Emmerson Mnangagwa kungxoxo ayenze lentathelizindaba ese Davos kwele Swizertland lapho ayehluleke ukucaca ngodaba lwezomnotho, ukhetho njalo watshiya abantu belolaka ngokubalekela kwakhe ukuphendula udaba lombhuqazwe weGukurahundi.

Izizalwane zeZimbabwe ebizilalele ingxoxo yakhe ebulenjini beInternet lakumabona kude zichaze ukuba ngempela ubengacaci ecatsha ngomunwe esithi akula angakwenza.

Isakhamuzi sakoBulawayo, uMnu. Mojalifa Mokoele, uthe ngempela uMnangagwa ucatshe ngomunwe ekuphenduleni kwakhe umbuzo ophathelane lombhuqazwe weGukurahundi.

Omunye obone okufanayo nguMnu. Thamani Ncube, okhankasela ukuba lilunga ledale lephalamende eBulilima West, othe akumangalisi ukuthi uMnangagwa aphike inani labantu abafa kumbhuqazwe weGukurahundi.

Olwela amalungelo oluntu ngaphansi kwenhlanganiso ekhangelane ngesisekelo sombuso welizwe eyeThis Constitution, uNkosikazi Abigale Mupambi, uthe uMongameli uxhamande ngodaba lombhuqazwe lo.

UMongameli weMthwakazi Republic Party, uMnu. Mqondisi Moyo, uthe uMnangangwa utshengise ukuthi akaguqukanga njalo akala sisombululo ngodaba lombhuqazwe weGukurahundi. Uthe abantu bengamvoteli ngoba elakho ukubulala esiyaphambili.

Evumelana loMoyo, uMnu. Effie Dlela Ncube uthe uMnangagwa ukhulume kahle kwezamabhizimusi leMelika lokhetho osekusele yikuthi enze akukhulumileyo kodwa kwezombhuqazwe usamele asebenze ngcono kulalokho akwenzayo ukuze alungise loluhlupho.

Osakhulayo, uHapson Ncube, uthi indlela uMnangagwa akhulume ngayo kukhanya engani uvika ngomunwe nomanje waphatheka ekubulaweni kwabantu.
UMnangagwa usedolobheni leDavos kwele Switzerland emhlanganweni ophathelane lezokuthuthukiswa kwenotho emazweni womhlaba oweWorld Economic Forum.

Udinga ukuthi ukusekelwa ngabosomabhizimusi bakwamanye amazwe abakhanga ukuthi bavule amafekithali abo kwele Zimbabwe esithi uhulumende wakhe ukhululeke okwedlula okaMnu. Robert Mugabe amsusa esikhundleni encediswa libutho.

Kubikwa ukuthi kwabhubha abantu abafika inkulungwane ezingamatshumi amabili ngesikhathi sombhuqazwe weGukurahundi.

Bakhonona Ngokwethulwe NguMnangagwa eDavos
please wait

No media source currently available

0:00 0:04:17 0:00

Facebook Forum

XS
SM
MD
LG