amalinks wokungena

Breaking News

Amapholisa Athobelana loDabengwa Lenkokheli yeMRP leBhetshu Lika Zulu


UMnu. Dumiso Dabengwa lamalunga amabandla ezomusazwe lenhlanganiso yeIbhetshu Lika Zulu bavinjwa ngamapholisa phandle kweBhalagwe.
UMnu. Dumiso Dabengwa lamalunga amabandla ezomusazwe lenhlanganiso yeIbhetshu Lika Zulu bavinjwa ngamapholisa phandle kweBhalagwe.

Amapholisa ngoMgqibelo avimbe Ibhetshu Lika Zulu lamabandla agoqela eleZapu leMthwakazi Republic Party ukuthi benze isikhumbuzo sabantu ababulawa libutho leGukurahundi bajikelwa emigodini yeBhalagwe, eKezi, esabelweni seMatabeleland South.

Selogonjolozelwe ... Amapholisa agombolozela abafuna ukungena eBhalagwe
Selogonjolozelwe ... Amapholisa agombolozela abafuna ukungena eBhalagwe

Amapholisa abophe uMnu. Iphithumile Maphosa, oyisikhulumeli sebandla leZapu, loMnu. Bhekani Ndlovu, okubandla leMthwakazi Republic Party abathe kababoni ukuthi amapholisa avimbe ngaliphi njengoba isisekelo sombuso welizwe sinika abantu amandla okwenza imkhosi abayifunayo.

Amapholisa akhuluma loMnu. Mqondisi Moyo, umkhokheli webandla leMthwakazi Republic Party.
Amapholisa akhuluma loMnu. Mqondisi Moyo, umkhokheli webandla leMthwakazi Republic Party.

Ababili laba bakhululwe esitokisini kulandela ukukhulumisana phakathi kwawo leziphathamandla zamabandla la.

Omunye wabavinjwe ukuthi baye eBhalagwe nguMnu. Dumiso Dabengwa, umkhokheli webandla leZapu, uMnu. Mqondisi Moyo, owe Mthwakazi Republic Party loMnu. Moses Mzila Ndlovu webandla le Alliance for National Salvation.

UDabengwa utshele amapholisa ukuthi “bengidinga omkhulu wenu okuthiwe usemhlanganweni. Kusobala ukuthi lidlala ngathi. Alifuni ukuthi singene eBhalagwe. Lokhu akulunganga.”

Uthini uMthwakazi?
Uthini uMthwakazi?

Omunye njalo othi ubefuna ukuya eBhalagwe nguMnu. Mnu. Charles Thomas, owatshaywa ngamasotsha ebutho leGukurahundi duzane le Bhalagwe. Uthe amapholisa amtshele ukuthi kavunyelwa ukuyafika endaweni lapho abhulwa khona.

Kulabantu abafika inkulungwane ezingamatshumi amabili ababulawa ngesikhathi sombhuqazwe weFifth Brigade ezabelweni zeMatabeleland leNkabazwe lapho uMongameli Robert Mugabe owayethwalise nzima abantu ababesekela ibandla leZapu elalikhokhelwa ngeleso sikhathi nguMnu. Joshua Mqabuko Nkomo.

Okunye okwenzakale eBhalagwe ...
Okunye okwenzakale eBhalagwe ...

UMugabe wake wathi umbhuqazwe lo wawuyisikhathi sokuhlanya, kazake axolise ngesenzo samasotsha akhe la alolongwa lilizwe leNorth Korea.

XS
SM
MD
LG