amalinks wokungena

Breaking News

UMnangagwa loChamisa Bahlangana Leziphathamandla Zakwele Bhilithane Ezithunywe NguBoris Johnson


UMongameli Mnangagwa loMnu. Chamisa

Iziphathamandla zakwele Bhilithane ngoLwesithathu langoLwesine ziyenze imihlangano etshiyeneyo loMongameli Emmerson Mnangagwa, umkhokheli webandla leMovement for Democratic Change (MDC), uMnu. Nelson Chamisa, labantu abasebenzela inhlanganiso ezizimele zodwa.

Omunye wabangene imihlangano le nguNkosikazi Harriet Matthews, omele uhlangothi lukahulumende olubona ngokudlelana lamanye amazwe kanye lenhlanganiso ye-Commonwealth.

Ubekhatshwe nguNkosikazi Melanie Robinson, omele eleBhilithane eZimbabwe, loNkosazana Debbie Palmer okuhlangothi lwezentuthuko olwe British International Development.

Iziphathamandla lezi zithi zithunywe nguhulumende kaMnu. Boris Johnson ukuzehlolisisa okwenzakala ezimbabwe.

UMatthews utshele intathelizindaba eHarare ukuthi kumele uhulumende kaMnangagwa aguqule ezokulondoloza ilungelo likazulu, umnotho osubhidlika, inkohlakalo ememetheka kakhulu elizweni lokunye.

Kasenelisanga ukukhuluma ngodaba lolu loNkosikazi Matthews leziphathamandla zikahulumende kaMnangagwa. UMnu. Nkululeko Sibanda, isikhulumeli sika Chamisa, uthi uhulumende wakwele Bhilithane ufuna kube lentuthuko eZimbabwe.

Ingxoxo Esiyenze LoMnu. Nkululeko Sibanda
please wait

No media source currently available

0:00 0:02:12 0:00


Facebook Forum

XS
SM
MD
LG