amalinks wokungena

Breaking News

Kunanzwa Usuku Lwamaqhawe Alwa Impi Yenkululeko


FILE: Abalwa impi yenkululeko batshengisela emigwaqweni eHarare.
FILE: Abalwa impi yenkululeko batshengisela emigwaqweni eHarare.

Abantu abanengi bakhangelelwe ukuthi bazakuthi gwaqa emathuneni amaqhawe eHarare ngoMvulo okuzabe kunanzwa khona usuku lwamaqhawe olwe Heroes Day.

Uhulumende uthi amabhasi angamatshumi amane azathwala abantu eHarare ebasa eNational Heroes Acre. Kulamanye njalo amabhasi azathwala abantu ezabelweni zonke elubhekise eHarare.

UMnu. Oliver Chidawu, umphathintambo kahulumende obona ngokwenzakala eHarare, utshele iphephandaba leHerald ukuthi abantu kumele bathakazelele usuku lolu ngokuthula.

Kulamaqhawe phose alikhulu angcwatshwe eNational Heroes Acre.
Abantu bathi luqakathekile usuku lolu. Omunye wabalombono lo nguMnu. Volta Moyo odabuka eNhwali esabelweni seMatabeleland South.
Lokhu kusekelwa nguMnu. Special Ncube othi abalwa impi yenkululeko bathwele nzima.

Kodwa-ke uMnu. Nkosikazi Busi Masina uthi abalwa impi yenkululeko bafuna ukwenzelwa konke nguhulumende kulandela amaqubaquba emali abayiphiwa nguhulumende ngomnyaka ka1997.

Abalwa impi yenkululeko banikwa umuntu munye ngamunye inkulungwane ezingamatshumi amahlanu amadola - $50,000 abanye bayitshaphaza okumangalisayo. Ibandla leZanu PF lithi kuqakathekile ukusekela okwenziwa ngabalwa impi yenkululeko.

Omunye wabasekela lokhu nguMnu. Nkosinathi Jiyane othi kufanele baphathwe kahle.

Kusenjalo, kubikwa ukuthi owayengumongameli uMnu. Robert Mugabe, uthi kafuni ukungcwatshwa labanye bakhe eNational Heroes Acre.

Iphephandaba leZimbabwe Independent libika ukuthi uMugabe wethulele lokhu izihlobo zakhe esesibhedlela eSingapore asehlale khona okwenyanga ezine. Usesebenzisa isihlalo esilamavili - iwheelchair.

Kubikwa ukuthi ufisa ukuyangwatshwa duzane lonina umuyi uBona Mugabe koZvimba eMashonaland West. Owayengumkakhe umuyi uSally Mugabe wangcwatshwa eNational Heroes Acre.

UMugabe uthi kafuni ukuthi uMnangagwa labanye bakhe bakhulume abakufisayo nxa bezamgcwaba eNational Heroes Acre eHarare. UMnangagwa wasusa uMugabe esikhundleni encediswa libutho, ibandla laZanu PF, idale lephalamende labantu abatshengisela emigwaqweni.

Kunanzwa Usuku Lwamaqhawe
please wait

No media source currently available

0:00 0:06:14 0:00

XS
SM
MD
LG