amalinks wokungena

Breaking News

Madinda Ndlovu: Umdlalo Wethu Leqembu leCaps United Uzaveza Isimo Sabafana Bethu


Madinda Ndlovu

Umqeqetshi weqembu le Highlanders uMadinda Ndlovu uthi umdlalo abazawudlala leqembu leCAPS United ngeSonto ulithuba elokuba abadlali bakhe belungisise amaphutha abo phambilini lokuqala kwesizini yalonyaka.

UNdlovu utshele intathelizindaba zemidlalo ukuba usekhethile abadlali bakhe azasebenza labo lonyaka njalo laba bafana kuzamele basebenzise ithuba lokudlala leqembu eliqine njenge leCAPS United ukuze balungisise lapho abaxegise khona emdlalweni wabo leqembu le Dynamos ngeviki ephelileyo.

“Kuzamele siqhubekele phambili lapho esatshiyela khona njalo kuzamele silungisise amaphutha esawenza sidlala leqembu le Dynamos. Kuzabaphathisa kakhulu abafana bethu ukudlala imidlalo emibili ilandelana bengqikilana lamaqembu aqinileyo.”

Iqembu le Highlanders lizadibana lele CAPS United ngeSonto enkundleni yeBarbourfields kunkezo kamsekeli kamongameli welizwe uKembo Mohadi eye VP Mohadi Charity Shield.

Abaqoqi balumdlalo bathi imali ezabhadalwa yizibukeli ngalolusuku izasentshenziswa ukuncedisa elinye lamakhaya agcina abagugileyo edolobheni lako Bulawayo.

Imidlalo yalonyaka eye Premier Soccer League ikhangelelwe ukuqala mhla zilitshumi kuyonale inyanga kaMbimbitho njalo lumdlalo wangeSonto ungaba ngowokucina owokuzwana amandla eyamaqembu womabili kungakaqali imidlalo yeligi.

Abanye babadlali abatsha abathethwe liqembu le Highlanders ngabagoqela umgadli uNewman Sianchali, uClive Phiri, uNigel Mukombwe, uMunyaradzi Chitambwe kanye lo Patrick Ben Musaka.

Facebook Forum

XS
SM
MD
LG