WASHINGTON DC —
Iqembu lenguqu ele Highlanders Football Club lithi ngamanga ukuthi selixotshe umqeqetshi walo, uMnu. Bongani Mafu.
Umqondisi weqembu leli, uMnu. Ndumiso Gumede, uthi ikhomithi ekhangelane leqembu leli eyeHighlanders Executive, kayikahlali phansi ukuthi ikhulume ngokwenziwa nguMafu owehluleka ukunqoba amanye amaqembu eBarbourfields Stadium.
UGumede uthi abafana beBosso badlala kahle loba nje bengayiboni intuba yemambuleni. Uthi konke lokhu kuzadlula njengoba kukhanya abafana bezimisele lonyaka ukuthi benze kahle.
UGumede utshele uGibbs Dube weStudio 7 ukuthi kulomsebenzi omkhulu okumele wenziwe liqembu loMafu lonyaka.