UMfundisi Philip Mugadza uze watholiswa imvumo yokuhlawula imali yesibambiso eye bail ngoLwesihlanu kodwa inkinga yikuthi akazange athole ithuba lokuhlawula imali efunakalayo.
Lokhu kutsho ukutshi uzabe esentilongweni ngempelaviki.
Lokhu kutshiye abenhlanganiso ezilwela amalungelo oluntu kweleZimbabwe bethukuthele besithi uMfundisi Mugadza, owathi uMongameli Robert Mugabe uzabhubha lonyaka, kalacala.
UMnu. Steven Sibanda, olwela amalungelo oluntu njalo ongummeli wenhlanganiso ye Occupy Africa Unity Square, uthe icala lika Mugadza akusilocala elingahambisa umuntu entolongweni.
USibanda uphinde wathi uhulumende wephula amalungelo kaMugadza ngokumbopha ngoba kulilungelo lakhe ukuthi akhulume akufisayo njalo atshengisele ezitaladini nxa kulokumhluphayo.
“Okwayenza ukuthi uMugadza athole isicelo sakhe se bail yikuthi ekuqaleni wayengelacala,” kusho uSibanda.
USibanda uphinde wathi umthetho uyatsho ukuthi nxa uMugadza ezakhitshwa entilongweni kuzamele anike amapholisa ugwalo lwakhe lokuya kwamanye amazwe.
USibanda uthe kakwazi ukuthi uhulumende kaMugabe uzamani ngokuvalela uMugadza entilongweni.
