amalinks wokungena

Breaking News

Kuqoqwa Idili Elikhulu eZimbabwe Lezethekeli zeRussia


Umnu. Sergey Lavrov umphathintambo weRussia wezokudlelana lamanye amazwe.

Ihlanganiso yabakumsebenzi wamabhanga eyeBankers Association of Zimbabwe lamuhla ntambama yamukele iqula labosomabhizimusi bakwele Russia ngokubenzela idili elikhulu eHarare.

Isikhulumeli sabaqoqe idili, uNkosazana Happiness Zengeni, utshele iStudio 7 ukuthi iqula leli lidinga indlela zokusungula amabhizimusi eZimbabwe.

UZengeni uthe izizwalwane zeRussia lezi, ezikhokhelwa nguMnu. Sergey Lavrov onguphathintambo wezokudlelana lamanye amazwe, uthe iqula lakhe likhangelelwe ukuhlangana labosomabhizimusi beZimbabwe labezinye inhlanganiso ezitshiyeneyo.

Kubikwa bekulabantu abedlula amakhulu amathathu – 300 - kudili leli. Iqula leRussia liyalile ukukhuluma leStudio 7 lisithi konke lokhu likubeke ezandleni zikaMnu. Simbarashe Mumbengegwi umphathintambo wezokudlelana lamanye amazwe.

Kasenelisanga ukuxoxisana laye ngodaba lolu njengoba kade engaphenduli umakhalekhukhwini wakhe.

IRussia le Zimbabwe zilobudlelwano obaqalisa ngesikhathi ilizwe lilwela inkululeko. Ibandla leZapu lalilobudlelwano obumangalisayo leRussia ngesikhathi sempi yenkululeko.

Ukuze sihlaziye udaba lolu, UGibbs Dube weStudio 7 uxoxe loMnu. Masimba Kuchera ingcwethi kwezenotho okunhlanganiso yeCenter for Disability and Development.

XS
SM
MD
LG