amalinks wokungena

Breaking News

Selitshontshiwe Elinye Njalo Ilitshe Elesikhumbuzo Sababulawa yiGukurahundi


Selitshontshiwe elinye njalo ilitshe lesikhumbuzo sababulawa ngesikhathi sombhuqazwe weGukurahundi. (Courtesy Photo)

Ilitshe lesikhumbuzo sabantu ababulawa ngesikhathi sombhuqazwe weGukurahundi ngomnyaka ka1985 ebelifakwe ngoMvulo eSilobela, eNkabazwe, kubikwa ukuba litshontshwe namuhla ngabacatshangelwa ukuba badlelana lohulumende kaMongameli Emmerson Mnangagwa.

UMnu. Mbuso Fuzwayo, umkhokheli wenhlanganiso yeIbhetshu Likazulu, uthi akumangalisi ukuba ilitshe leli litshontshiwe ngoba ambalwa amatshe afanayo atshontshwe eMatabeleland, esanda kufakwa lapho okwabulawa khona abantu yiGukurahundi.

Kasenelisanga ukukhuluma ngodaba lolu loMnu. Nick Mangwana, umabhalani omkhulu okuhlangothi lukahulumende olubona ngokwethulwa kwemibiko, esimthumezele imibuzo njalo samtshayela umakhalekhukhwini.

UFuzwayo uthi inhliziyo okwenziwa ngabantu laba ngoba uhulumende uthi kumele uzulu axoxe ngodaba lombhuqazwe weGukurahundi.

Ingxoxo Esiyenze LoMnu. Mbuso Fuzwayo
please wait

No media source currently available

0:00 0:01:19 0:00

UMnu. Joseph Tshuma, okubandla leZanu PF, uthi bakhona abacabangela ukuba uhulumende nguye owenza lokhu bebekhona labathi amalunga enhlanganiso ezizimeleyo ayalwisana ngokufaka amatshe la endaweni ezitshiyeneyo.

UTshuma uthi uMnangagwa kalasandla kudaba lolu ngoba ukhuthaza abantu ukuba bekhulume ngombhuqazwe weGukurahundi.

Ingxoxo LoMnu. Joseph Tshuma Owebandla leZapu PF
please wait

No media source currently available

0:00 0:01:47 0:00


Facebook Forum

XS
SM
MD
LG