Ibhanga elikhulu lelilzwe eleReserve Bank of Zimbabwe libikwa selethule imali yamatshe ekhangelelwe ukwenza kubelula ukuthi uzulu athole itshintshi endaweni ezitshiyeneyo okugoela lasemavinkilini.
Inhlanganiso eyethula izindaba kweleChina eyeXinhua kanye leConsumer Council of Zimbabwe (CCZ) zithi amacenti la ayethulwe okusemthethweni izolo ntambama eHarare ngusibalukhulu webhanga leli uMnu. John Mangudya.
UNkosikazi Rosemary Siyachitema umqondisi we CCZ uthi loba engahambanga emhlanganweni lo owenziwe labosomabhizimusi edolobheni leli, ibikwa yamukelwe ngenjabulo imali yamatshe le hliziyo emhlophe amacenti la edindwa kwele South Africa.
USiyachitema uthi osomabhizimusi laba batshelwe yiRBZ ukuthi amacenti la azabe elesisindo semali yeMelika. Uthe azaqalisa ukusetshenziswa eZimbabwe kunsukwana ezilandelayo.
Imali le ibe lendleko efika izigidi ezingamatshumi amahlanu zamadollar - $50million.
Ingcwethi kwezenotho ezizwe ngoda zithi kuhle lokhu okwenziwe libhanga leli njengoba uzulu kade ethwele nzima ngokuswela intshintshi.