amalinks wokungena

Breaking News

Soluqalisile Uhlelo Lokulwisana leBilharzia Leminye Imikhuhlane koBulawayo


Ugatsha lwezempilakahle solunikeze umansipala wako Bulawayo imali engange nkulungwane ezilitshumi lasitshiyangalo mbili ukuze anikeze abantwana amaphilisi avikela umkhuhlane we bilihaziya kanye lokuvuvuka izitho zomzimba lemikhuhlane etholaka enhlabathini.

Imkhuhlane le ivame ukwekelelwa inganqatshelwa icine ibangela ukufa kumbe ubogoga. Ekhuluma le Studio 7, udokotela wekhansili yako Bulawayo, uKhulamuzi Nyathi, uthe uhlelo lolu luzakhangela imikhuhlane emithathu ezikolo lamakliniki kakhansili koBulawayo.

Egcizelela amazwi kaNyathi, uPatrick Ncube, ongumsekeli kamqondisi kugatsha lwezempilakahle ekhansilini yakoBulawayo, uthe uhlelo lolu lujonge kakhulu ukuvikela imikhuhlane esithi bazakuya ezikolo laklinika wonke koBulawayo.

Umongi wekhansili yako Bulawayo, uMnu. Glodie Khuphe, uthe uhlelo lolu luzakhangela abantwana abaleminyaka emibili kusiya kutshumi lanhlanu lokuthi abadala labo kufanele bathole lawo maphilisi.

Obona ngokukhankasela inhlelo zogatsha lwezempilakahle ekhansilini yako Bulawayo, uNkosikazi Sitshengisiwe Siziba, uthe uhulumende ubanikeze inkulungwane ezilitshumi lasitshiyangalo mbili njalo imali le ayeneli kodwa bazadinga kwezinye inhlanganiso ezivame ukubancedisa ngalesi isikhathi.

Isakhamuzi sakobulawayo, uNkosikazi Minenhle Hadebe, uthe inhlelo lez ziyasiza kodwa kwezinye izikhathi abantwana basala sebegula ngendlela engazwisisekiyo.

Ikhansili ikhangelele ukufinyelela izikolo lamakolishi ezingamakhulu amabili labantu abedlula inkulungwane ezingamakhulu ayisithuba lamatshumi ayisificaminwe mibili lasithupha (686,664).

Kuphenyo olwenziwa yinhlanganiso yezempilakahle yamazwe omhlaba luveze ukuthi imikhuhlane le ihlasela abantu abayizigidi ezingamatshumi amahlanu lasikhombisa (57 million) eAfrica.

Sokulemali Yokuqhuba Uhlelo Lwezempilakahle koBulawayo
please wait

No media source currently available

0:00 0:04:53 0:00

Facebook Forum

XS
SM
MD
LG