amalinks wokungena

Breaking News

Kulabanye Abathabileyo Labadaniswe Yikuthengiswa Kwamafutha Ezimota Ngedola leMelika


Kwezinye indawo kuthengiswa amafutha ngedola leMelika kube lezinye ezithengisa ngedola leZimbabwe. (Photo:

Abantu koBulawayo bayakhala ngokuthengiswa kwamafutha ezimota ngedola leMelika besithi kabaliholi.

Kuyahlupha ukuthola amafutha ezimota eZimbabwe. (Photo: Bathabile Masuku)
Kuyahlupha ukuthola amafutha ezimota eZimbabwe. (Photo: Bathabile Masuku)

Abathwala uzulu bathi kabenelisi ukuthenga amafutha ezimota ngedola leMelika ngoba abantu bahola idola leZimbabwe abahlawula ngalo imitshova.

Omunye wabatshayeli, uMnu. Mike Sibanda, uthi abantu behluleka ukuhlawulela imitshova ngedola leZimbabwe.

Omunye njalo utshayeli, uMnu. Mxolisi Dube, uthi imota azisagcwali ngoba amafutha ezimota akhwela njalo nje ngakho labo intengo zabo sezihlala zikhwela.

Umbalisi, uMnu. Elliot Zulu, ohola idola leZimbabwe, uthi amafutha ezimota kawathengeki ngedola leMelika.

Kawasathengiki amafutha ezimota eZimbabwe. (Photo: Bathabile Masuku)
Kawasathengiki amafutha ezimota eZimbabwe. (Photo: Bathabile Masuku)

“Mina lindaba le yokuthenga amafutha ezimota nge forex akungiphathi kahle ngoba thina sihola ibond. So, nxa uyafika egarajini kuthwe ukhiphe iforex, uyabe uyithethe ngaphi.”

Kodwa umtshayeli wezimota, uMnu. Prince Chirisa, uthi kulungile ukuthengisa amafutha ezimota ngedola leMelika.

“Sithi kulungile lokhu okwenzakeleyo ukuthi ifuel ithengiswe nge forex, khona kuzaguqula yonke into ithengiswe nge forex ngoba lathi ikakhulu kupublic transport sekumele sithwale abantu nge forex, okutsho ukuthi everything sekumele ithengiswe nge forex kukhitshwe ibond leli.”

Amafutha ezimota athengiswa nge$1.25 ngedola leMelika kuthi ngemali yakuleli yi$19.04.

Kawatholakali Amafutha Ezimota eZimbabwe
please wait

No media source currently available

0:00 0:03:04 0:00


Facebook Forum

XS
SM
MD
LG