amalinks wokungena

Breaking News

Chamisa: Sizakwenza Konke Okusemandleni Ethu Ukuthi Kuguqulwe Impumela Yokhetho


UMnu. Nelson Chamisa, umkhokheli womanyano weMDC Alliance njalo obencintisa ukhetho lukamongameli okunqobe uMongameli Robert Mugabe, uthi bazakwenza konke okusemandleni abo ukwenzela ukuthi balungise impumela yokhetho olusanda kwenziwe eZimbabwe.

UChamisa utshele intathelizindaba ukuthi uMnangagwa utshontshe ukhetho kanye lebandla lakhe.

Uthe balobufakazi bokuthi ukhetho kaluqhutshwanga ngemfanelo njengoba kungaziwa ukuthi ayangaphi amanye amaphepha alotshwa endaweni zokuvota ama V11 forms amumethe impumela yokhetho.

UChamisa kafunanga ukuveza ukuthi bazakwenzani ukwenzela ukuthi impumela yokhetho le iguqulwe.

Uthe kungaba yikuchitha isikhathi nxa bezakuya emthethwandaba ukuyamangalela uMnangagwa ngoba udlelana labathetha amacala.

Amapholisa kwele Zimbabwe akade ehlome aphelela azame ukuphazamisa umhlangano womkhokheli womanyano wamamabandla aphikisayo owe MDC Alliance, uMnu. Nelson Chamisa, lentathelizindaba ewoteleni yeBronte Hotel edolobheni leHarare.
Omunye wabasole lokhu nguSenator Lillian Timveous owe Nkabazwe owebandla le MDC –T elikhokhelwa nguChamisa.

UNkosikazi Timveous uthe kasikho isizatho sokuba kulethwe amapholisa emhlanganweni womkhokheli wakhe lentathelizindaba.
Lumhlangano lentathelizindaba ucine ususenziwa ngemva kokungenela kukahulumende othume osaphethe isikhundla sokuba ngumphathintambo wezokwethulwa kwemibiko, uMnu. Simon Khaya Moyo, oxolise emele uhulumende.
UChamisa utshele umhlangano lo ukuthi amapholisa atshengisa ukuba kawalondolozi ilungelo loluntu.

Umongameli Emmerson Mnangagwa laye wenze umhlangano wakhe lentathelizindaba lapho athe kumele abantu beZimbabwe bamanyane njalo bakhumisane umlotha ukwenzela ukuthi bathuthukise ilizwe.

please wait

No media source currently available

0:00 0:04:29 0:00

XS
SM
MD
LG