amalinks wokungena

Breaking News

UNkosikazi Angeline Masuku Uwela Phansi Eqeda Kubala Umbiko kaMnangagwa


UNkosikazi Angeline Masuku lezinye iziphathamandla zikahulumende eWhite City Stadium koBulawayo.

Annastacia Ndlovu

Abantu abanengi bathe gwaqa ngosuku lukazibuse enkundleni yeWhite City Stadium koBulawayo lapho uNkosikazi Angeline Masuku, umphathintambo wedolobho leli, owele phansi esanda kuqeda ukubala umbiko kaMongameli Emmerson Mnangagwa.

Abantu abase White City Stadium lapho obekunanzwa khona usuku lukazibuse welizwe leZimbabwe.
Abantu abase White City Stadium lapho obekunanzwa khona usuku lukazibuse welizwe leZimbabwe.

UNkosikazi Masuku uphele amandla wahlolwa ngamadokotela kwasekubika uNkosazana Thokozani Ncube, ongumqondisi wakoBulawayo, ukuthi ubengaphathekana kahle emzimbeni.

Kasenelisanga ukukhuluma loNkosikazi Masuku ngokugula kwakhe.

Omunye wabantu abahambe emkhosini lo nguMnu. Edward Nare, owalwa impi yenkululeko, othi luqakathekile usuku lukazibuse lobanje ukuwa kuka Nkosikazi Masuku kudanise abantu abanengi.

Omunye njalo obesenkundleni yeWhite City, uNkosazana Nokuthula Mlilo, uthi ilanga likazibuse selaguquka kudala ngitsho lemaphandleni kwakulikhefu elijabulelwa ngumuntu wonke kodwa kulezi insuku sokwehlukile.

Udaba Esilethulelwe NguAnnastacia Ndlovu
please wait

No media source currently available

0:00 0:03:19 0:00

Abapholisa aveza ukulolongwa kwawo eWhite City Stadium
Abapholisa aveza ukulolongwa kwawo eWhite City Stadium

​Ezinye izakhamizi zakoBulawayo zithi ilanga likazibuse lokunanza uzibuse lusuku nje oluveza ukuthi sekwedlule imnyaka phose engamatshumi amane kungela kukhululeka elizweni leZimbabwe.

Lokhu kuphume emhlanganweni oqhutshwe yinhlanganiso elwela ilungelo loluntu eye Bhetshulikazulu ngaphansi kwesihloko esithi ‘38 years of Independence Without Freedom’. Umgcinisihlalo wenhlanganiso le, uMnu. Melusi Sibanda, uthe umhlangano lo bawenze ngemva kokunanzelela ukuthi ilizwe lathola uzibuse kodwa uzulu kakhululekanga.

Amasotsha abegcwele enkundleni yeWhile City Stadium leNational Sports Stadium lapho obekunanzwa khona usuku lukazibuse welizwe leZimbabwe.
Amasotsha abegcwele enkundleni yeWhile City Stadium leNational Sports Stadium lapho obekunanzwa khona usuku lukazibuse welizwe leZimbabwe.

Omunye wezikhulumi emhlanganweni lo, uMnu. Joshua Mhambi, uthe njengesizwe kumele kusetshenzwe gadalala ukuthi uzulu weZimbabwe amanyane.

UMnu. Matthew Sibanda, obemele ibandla leZAPU, uthe ilizwe lathathwa ezandleni zombuso wabamhlophe kodwa uhlupho yikuthi akula nkululeko elizweni, ikakhulu emhlubulweni weMatabeleland.

Osakhulayo obesemhlanganweni lo, uMnu. Lizwilenkosi Ndlovu, uthe ilizwe leli liyindalo yabamhlophe abahlanganisa iMashonaland leMatabeleland. Uthe izabelo zeMatabeleland kazikatholi inkululeko.

Isakhamuzi sakoBulawayo, uMnu. Reason Mpofu, uthe inkululeko yokuchelesa ayikabikhona laloba uzibuse watholakala kudala.

Udaba Losuku Lukazibuse Esilethulelwe NguBathulile Masuku
please wait

No media source currently available

0:00 0:03:44 0:00

Facebook Forum

XS
SM
MD
LG