amalinks wokungena

Breaking News

Ncube:Ibhanga leCABS Liyehluleka Ukuhlenga Amankampani Adilikayo


Welshman Ncube
Umphathintambo wezamafekithali uMnu. Welshman Ncube uthi kusobala ukuthi ibhanga leCABS kalenelisi ukunika amankampani adilikayo koBulawayo imali yesikhwama sikahulumende ese Distressed and Marginalized Areas Fund yokuvuselela amafekithali.

UNcube uthi kuyayangisa ukuthi ibhanga leli lokhe libambe izigidi ezilitshumi zamadollar - $10 million - eyafakwa ebhanga leli nguhulumende ngoMabasa.

Uthi imali le kumele ukuthi nga seyabolekwa amankampani athwele nzima koBulawayo lakwezinye indawo zelizwe.

Uthi lokhu kutshengisa ukuthi amabhanga kawenelisi ukwaba izikwelede ebambisane lohulumende.

Ngakho-ke uthi kungcono ukuthi uhulumende anike imali le ugatsha lwakhe oluzakwenelisa ukunceda ngesiphangi phangi amankampani athwele nzima ngokuswela imali yokwenza impahla.

Amankampani lokhe edilika koBulawayo ngenxa yokuswela imali. Uhulumende ebambisane le Old Mutual Insurance wabumba isikhwama sezigidi ezingamatshumi amane zamadollar - $40 million – yokuhlenga amankampani adilikayo elizweni.

Kulamankampani amabili kuphela koBulawayo asethole imadlana yokuwavuselela.

UNcube uthi akwaziwa ukuthi amankampani adinga imali yokuwavuselela azaphephelaphi.

please wait

No media source currently available

0:00 0:02:13 0:00
Lapho esitholakala khona

Umnu. Bulisani Ncube owayengumqondisi we Zimbabwe National Chamber of Commerce koBulawayo uthi sebezama ukudinga uncedo lokuvuselela amankampani kwamanye amazwe.

please wait

No media source currently available

0:00 0:01:58 0:00
Lapho esitholakala khona
XS
SM
MD
LG