amalinks wokungena

Breaking News

Ingcwethi Zikhonona Ngezivumelwano zeZimbabwe leRussia


Ukukhonona kwengcwethi lezi kuza ngesikhathi eleRussia lisanda kulobelana lele Zimbabwe isivumelwano esifika amabillion amathathu amadollar – $3 billion sokwemba iplatinum ngaphansi kwenkampani yeDarwendale Platinum Project. (File Photo)
Ukukhonona kwengcwethi lezi kuza ngesikhathi eleRussia lisanda kulobelana lele Zimbabwe isivumelwano esifika amabillion amathathu amadollar – $3 billion sokwemba iplatinum ngaphansi kwenkampani yeDarwendale Platinum Project. (File Photo)

Ingcwethi zenotho lezokwenjiwayo zithi ele Zimbabwe kumele lincedise kakhulu inkampani kahulumende eyeMining Promotion Corporation ukwenzela ukuthi kwaziwe ukuthi okwenjiwayo kunengi kanganani elizweni njalo kwenziwani ngakho.

Umphathintambo wezokwenjiwayo, uMnu. Walter Chidhakwa, watshela umphakathi kunsukwana ezisanda kwedlula ukuthi akwaziwa ukuthi okwenjiwayo elizweni kunengi kanganani ngakho kumele inkampani le isebenze ngamandla ukuthi ikuveze.

Ilizwe lokhe lacina ukwazi ngokwenjiwayo kudala njengoba esaziswa ngokungakenjiwa ngamankampani azimele wodwa.

Ukukhonona kwengcwethi lezi kuza ngesikhathi eleRussia lisanda kulobelana lele Zimbabwe isivumelwano esifika amabillion amathathu amadollar – $3 billion sokwemba iplatinum ngaphansi kwenkampani yeDarwendale Platinum Project.

Kukhangelelwe ukuthi kuzembiwa iplatinum eyisilinganiso sama ounces azinkulungwane ezingamakhulu amabili lamatshumi amahlanu – 250,000 okweminyaka emithathu.

Kodwa-ke ingcwethi lezi zithi akwaziwa ukuthi isivumelwano lesi siyenziwe njani.

Eyinye yalezi ngcwethi nguMnu. Rejoice Ngwenya oweCoaliation for Liberal Market Solutions othi okwenzakala kwele Zimbabwe kuyamangalisa.

XS
SM
MD
LG