amalinks wokungena

Breaking News

Izizalwane zeZimbabwe Zingena Umhlangano Omkhulu weMennonites


Banengi okwamaga abantu abasemhlanganweni lo abavela emazweni angamathumi amahlanu lesikhombisa. (Photo: Mennonite Conference 2015)

Esigabeni sendaba eziphathelane lezizalwane zeZimbabwe ezihlala emazweni, ngoLwesibili sixoxe ngomhlangano omkhulu oweMennonite World Conference owenzelwa eHarrisburg, Pennyslvania, eMelika ogqitshwa ngeSonto.

Izizalwane zeZimbabwe ezingamakhulu amabili zibuye emhlanganweni lo olesihloko esithi “Walking With God’.

Umhlangano onje wenziwa kanye ngemva kweminyaka eyisithupha njalo sowake wenziwa eZimbabwe, Paraguay, Culacutta leCanada.

Ubuthanisa abalandela ukholo lwesi Kristu kumabandla aweMennonnite leBrethren-In-Christ Church abangaba yisilinganiso sokwedlula kancane isigidi -1,3 million – emhlabeni wonke jikelele.

Izizalwane zeZimbabwe ezisemhlanganweni lo zithi zikhangelele ukuthi zithole ukubusiswa ngendlela ezinengi ngentshumayelo ezizabe zikhona.

Ukuze sihlaziya udaba lolu, iStudio 7 ixoxa loMfundisi Ron Moyo oweWhitestone Mennonite Church eKansas, Ohio.

UMfundisi Moyo uthi kukhangelelwe ukuthi bazathola okunengi emhlanganweni lo okungenza ukuthi kuguqulwe okunye okwenziwa eZimbabwe.

please wait

No media source currently available

0:00 0:03:58 0:00
Lapho esitholakala khona

XS
SM
MD
LG