amalinks wokungena

Breaking News

IMF: Umnotho weZimbabwe Lokhe Uncipha


Inhlanganiso ye International Monetary Fund ithi ele Zimbabwe lokhe lithwele nzima ngomnotho olokhe ubhidlika.

Inhlanganiso le eyethule umbiko wesimo somnotho weZimbabwe izolo ntambama, ithi okwenza isimo somnotho sibesibi yikuthi akulamali engena elizweni njalo akulampahla enengi elunguswa elizweni yokuthengisa kwamanye amazwe.

Inhlanganiso yeIMF, elokhe ihlolisisa umnotho weZimbabwe ngaphansi kohlelo olubizwa ngokuthi yiStaff Monitored Program, ithi okunye okwenza umnotho ungathuthuki yikukhuphuka kweSouth African Rand.

Ukukhuphuka kwerand kwenza ukuthi impahla ethengwa kulelolizwe ibize intengo ekhuphukileyo okwamagama.

Ithi eleZimbabwe kumele lizame ngamandla wonke ukuthi liguqule imithetho yohlelo lokwabelana uzulu amashares amankampani emazweni njalo likhulumisane lababoleka ilizwe imali.

Inhlanganiso le ithi okumangalisayo yikuthi umnotho kawuthuthuki ngesikhathi ilizwe litshaye inala lonyaka. Ukuze sihlaziye udaba lolu, iStudio 7 ixoxe loMnu. Masimba Kuchera ingcwethi kwezenotho othi iIMF ilubone kahle udaba lweZimbabwe.

XS
SM
MD
LG