WASHINGTON DC —
Osomabhizimusi be Zimbabwe bathi kumele ugatsha lokuthuthukisa inotho kazulu luvinjwe ngazo zonke indlela ukuthi lungavali amankampani abikwa engalandeli umthetho weIndigenization.
Osomabhizimusi benhlanganiso ezibalisa iZimbabwe Chamber of Mines, Confederation of Zimbabwe Industries le Employers Confederation of Zimbabwe (EMCOZ) bathi akumelanga amankampani ezemigodi abanjwe ngamandla ukuthi abele uzulu amashares.
Bathi kulihlazo okukhulunywa ngumphathintambo wezokuthuthukisa inotho kazulu uMnu. Savior Kasukuwere othi sokumele kuvalwe iMetallon Gold, iVumbachigwe Mines kanye le Jack Mack Gold Mine.
Umnu. Kasukuwere wethesa amankampani la icala lokungalandeli umthetho wokwabela uzulu amashares ayisilinganiso sokungamatshumi amahlanu lanye ekhulwini – 51%.
Umnu. John Mufukare umqondisi we EMCOZ uthi okwenziwa nguKasukuwere akukho emthethweni ngakho kumele kuvinjwe nguhulumende womanyano.
UMufukare uthi kuyamangalisa ukuthi uKasukuwere ufuna kuvalwe le Metallon Gold ekaMnu. Mzi Khumalo we South Africa.
Umnu. Matson Hlalo owayengumsekeli womqondisi we Affirmative Action Group uthi okumangalisayo yikuthi uKasukuwere usefuna lokuthi kuvalwe amankampani abantu abamnyama.
Osomabhizimusi benhlanganiso ezibalisa iZimbabwe Chamber of Mines, Confederation of Zimbabwe Industries le Employers Confederation of Zimbabwe (EMCOZ) bathi akumelanga amankampani ezemigodi abanjwe ngamandla ukuthi abele uzulu amashares.
Bathi kulihlazo okukhulunywa ngumphathintambo wezokuthuthukisa inotho kazulu uMnu. Savior Kasukuwere othi sokumele kuvalwe iMetallon Gold, iVumbachigwe Mines kanye le Jack Mack Gold Mine.
Umnu. Kasukuwere wethesa amankampani la icala lokungalandeli umthetho wokwabela uzulu amashares ayisilinganiso sokungamatshumi amahlanu lanye ekhulwini – 51%.
Umnu. John Mufukare umqondisi we EMCOZ uthi okwenziwa nguKasukuwere akukho emthethweni ngakho kumele kuvinjwe nguhulumende womanyano.
UMufukare uthi kuyamangalisa ukuthi uKasukuwere ufuna kuvalwe le Metallon Gold ekaMnu. Mzi Khumalo we South Africa.
Umnu. Matson Hlalo owayengumsekeli womqondisi we Affirmative Action Group uthi okumangalisayo yikuthi uKasukuwere usefuna lokuthi kuvalwe amankampani abantu abamnyama.
