amalinks wokungena

Breaking News

UNkosazana Dube Wenzela Intandane Lasebeluphele Idili leKhisimusi


UNkosazana Saneliso Dube labantwana abanikwe izipho ezinengi.

Isizalwane seZimbabwe esisebenzela eGoli ngeSonto siqoqe idili intandane endaweni yaseNyandeni phansi kweNduna uMasuku enyakatho yedolobho leGwanda.

Esethula izipho ezitshiyeneyo, uNkosazana Saneliso Dube, laye oyintandane, uthi uthintheke ngenhlakahle yentandane kibo njalo usecabanga ukuthi avule umuzi wentandane.

Zijabule zaba manzi te intandane.
Zijabule zaba manzi te intandane.

UMaDube wabele izipho zezigqoko ebantwini abafika phose amatshumi amahlanu abagoqela intandane, asebegugile kanye labantwana abaphuma emulini eziswelayo.

UNkosazana Dube uthi kungumlandu kazulu wonke ukuthi ahlale ecabanga ngenhlalakahle yentandane ngoba zingela eyinye indlela ezingaziphilisa ngayo.

Uthi iphupho lakhe yikuthi avule umuzi wangakibo ube yindawo yokugcina intandane eye Peace Charity Home.

Umuzi ozagcina intandane
Umuzi ozagcina intandane

Osebenzelana loMaDube ekuleli, uMnu. Dennis Moyo, uthi basaludinga usizo ukuze isifiso sabo sifezeke.

Abathole izipho baveze injabulo enkulu ngenyathelo elithethwe nguMaDube besithi ubenze baba leKhisimusi elitshukela.

UNkosazana Saneliso Dube unika intandane izipho.
UNkosazana Saneliso Dube unika intandane izipho.

​UMelitha Ncube, oleminyaka yokuzalwa elitshumi lasikhombisa, ngomunye wezintandane othole isipho.

Ugogo uSofi Mlilo laye ngomunye othole isipho njalo uveze intokozo enkulu. Isakhamuzi seNyandeni, uMnu. June Moyo, laye uveze injabulo yakhe.

UKhansila weNyandeni uthi umkhuhlane wengculaza uqede abazali abanengi esiqintini sakhe njalo kuyadingeka ukuthi imizi egcina intandane ivulwe eminengi ikakhulu emaphandleni. Intandane kanye lezakhamizi ziveze injabulo ngokugida kulelidili.

please wait

No media source currently available

0:00 0:02:45 0:00

Facebook Forum

XS
SM
MD
LG