amalinks wokungena

Kufundiswa Uzulu Ukuthapha Indaba Kusetshenziswa Omakhalekhukhwini


'"Injongo yohlelo lolu ngeyokufundisa abasakhulayo indlela abangasebenzisa ngayo omakhalekhukhwini, bethapha indaba ngonanzelelo, njalo bengaqambi amanga'

Inhlanganiso ezimeleyo eye Center for Innovation and Technology isebenzelana leyeInterlink Academy, isungule uhlelo lokufundisa uzulu, ikakhulu abatsha ngokuthapha indaba esebensisa omakhalekhukhwini olwe Mobile Reporting for Community Journalists in Zimbabwe 2018.

Isikhulumeli sale inhlanganiso uMnumzana Zenzele Ndebele uthe bakubone kufanele ukuthi benze loluhlelo, ngoba abantu abanengi kulezinsuku sebesebenzisa omakhalekhukhwini ekuthapheni indaba. Uthe udubo luba khona ekuthini, ekwenzeni lokhu, amalungelo abantu acina esephulwa.

"Injongo yohlelo lolu ngeyokufundisa abasakhulayo indlela abangasebenzisa ngayo omakhalekhukhwini, bethapha indaba ngonanzelelo, njalo bengaqambi amanga." kuchasisa uMnu Ndebele

UNdebele uthe uhlelo lolu lwemukelwe ngezandla zombili nguzulu. Uthe bathole abantu abafika ikhulu lamatshumi amahlanu abekadebefuna ukulungena loluhlelo, kodwa bona bebelendawo eyabantu abalitshumi lasithupha kuphela.

Uhlelo lolu oluyathatha inyanga ezintantu, luqalisa mhlaka 15 Zibandlela lusiyacina ekupheleni kwengenyanga kaMbimbitho.

Facebook Forum

XS
SM
MD
LG