amalinks wokungena

Breaking News

Abantu Bayakhala Ngokugugudeka Komnotho eZimbabwe Okwethuse Inhlanganiso yeIMF


A woman walks past almost empty bread shelves in a shop in Harare, Tuesday, Oct, 9, 2018.

Kulabanye abantu abasekela okwethulwe yinhlanganiso eboleka amazwe imali eyeInternational Monetary Fund ethi eleZimbabwe lilakho ukubhekana lenhlupho ezinengi okumangalisayo ngenxa yokungenelisi ukuvuselela umnotho njengalokhu okwathenjiswa nguhulumende kaMongameli Emmerson Mnangagwa.

Ingcwethi kwezomnotho, abaphikisa uhulumende kaMnangagwa labanye abazimele bodwa bathi bayakusekela okwethulwe yinhlanganiso yeInternational Monetary Fund ethi uhlupho lolu lunganqatshelwa ngokutholakala kwemali kwamanye amazwe kumbe kunhlanganiso ezizimele zodwa.

Inhlanganiso yeIMF yethule umbiko lo ngeviki ephelileyo isanda kuhlolisisa umnotho welizwe leZimbabwe ngaphansi kohlelo lweArticle IV Consultation eZimbabwe. Omunye wabasekela okwethulwe yiIMF nguMnu. Masimba Kuchera, ingcwethi kwezenotho ezimele yodwa.

“Sake sakutsho ukuthi ama policy inconsistence lawa, owokuthi asilandeli imithetho yethu njalo ukubuya kwe Zim dollar ngendlela elibuye ngalo, kuzabanga ukugugudeka komnothi esithi yinflation. Khathesi sibona iZimbabwe dollar lokhe iphelelwa ngamadla. Lokhu kwenza ukuthi abantu baswele iconfidence kuhulumende lenhlezo zakhe.

UMnu. Munashe Mututsa, unobhala jikelele weziphathelene lezabasakhulayo kubandla leZanu PF koBulawayo, uthi zinengi izizatho ezibangele ukungathuthukiswa kahle komnotho welizwe leZimbabwe.

“Kuhle ukuthi sisinanzelele ngenxa yokuthi inhlanganiso yeIMF ngabantu ababona ngezomnotho, ezamazwe atshiyetshiyeneyo. Abakutshoyo konke siyakuthatha sikuthakazelela njalo. Kodwa simele sinanzelele ukuthi iZimbabwe ithe ukungena kwayo ngo2017 ngenxa yokungena kuka Comrade Emmerson Mnangagwa, ifike kulezinto ebeziphambanisekile kumkhonomi weZimbabwe okweminyaka engu17. Ungeke wafika entweni ephanjaniswe okweminyaka engu17 uyilungise phakathi kwamalanga angu17.”

UMututsa uthi okunye okubhidliza umnotho welizwe yindlala ebangelwa yisikhudumezi somkhathi esivimba ukuna kwezulu.

Kodwa abasekela ibandla eliphikisayo eleMDC elikhokhelwa nguMnu. Nelson Chamisa bathi ukugugudeka komnotho kubangwa libandla leZanu PF elehluleka ukubusa ngamfanelo.

Unobhala wohlangothi lwabatsha kubandla leli koBulawayo, uPashor Raphael Sibanda, uthi isimo esibi somnotho eZimbabwe silakho ukwenza abantu bahlamukele uhulumende kaMnangagwa.

UMnu. Henry Ruzvidzo, okhokhela inhlanganiso yabosomabhizimusi bamankampani amakhulu eyeConfederation of Zimbabwe Industries, usanda kutshela amalunga omanyano wePolitical Actors Dialogue ukuthi uhulumende kumele alungisise ukuphicana kwemithetho ahlezi eyethulwa ekhanya iphazamisa ukuthuthuka komnotho.

Isakhamuzi seHarare, uMnu. Joel Nyoni, uthi uhulumende ulakho ukulungisa okwethulwe yinhlanganiso yeIMF nxa ezimisele ukuguqula isimo somnotho.

UNyoni uthi kumele uhulumende alungise udaba lokuthengiswa kwemali emikambo yezemali okuphazamisa ukuvuselela amabhizimisi.

UMnangagwa lobona ngokusetshenziswa kwemali kahulumende, uMnu. Mthuli Ncube, bathi abantu kumele babekezele ngoba bayazama ukuvuselela umnotho wakwele Zimbabwe.

Abantu Bahlutshwa Yikugugudeka Komnotho weZimbabwe
please wait

No media source currently available

0:00 0:05:51 0:00


Facebook Forum

XS
SM
MD
LG