amalinks wokungena

Breaking News

Lokhe Zithwele Nzima Izisebenzi ze ZiscoSteel

  • Gibbs Dube

Izisebenzi ze New Zimbabwe Steel Limited zithi sezikhalalwe yinkampani yamandiya iEssar Africa Holdings lohulumende njengoba zingatholi imbiko yokuthi kwenziwani ukuthi kuvuselelwe iZiscosteel.

Umnu. Benedict Moyo umgcinisihlalo we ZiscoSteel Joint Workers’ Union uthi izisebenzi ezedlula inkulungwane ezintathu lengxenye – 3,500 sezisehluleka ukuselela imuli ngoba nanku sezilenyanga ezilitshumi lane zingatholi iholo.

UMoyo uthi akulambiko evela kuhulumende labaqondisi be Essar Africa Holdings ukuthi kwenzakalani ngemizamo yokuvuselela iZiscosteel eyathengwa yinkampani le ibambisana lohulumende ngomnyaka ka2011.
please wait

No media source currently available

0:00 0:01:28 0:00
Lapho esitholakala khona


UMnu. Effie Dlela Ncube ingcwethi kwezombusazwe uthi okwenzakala eZiscosteel kutshengisa ukuthi kulokuxokozela okumangalisayo kuhulumende womanyano.
please wait

No media source currently available

0:00 0:01:39 0:00
Lapho esitholakala khona

IStudio 7 kayenelisanga ukukhuluma loMnu. Welshman Ncube umphathintambo wezamafekithali. Kodwa-ke uMnu. Obert Mpofu umphathintambo wezemigodi labaqondisi be Essar Africa Holdings bayalila ukukhuluma ngodaba lolu.

Isivumelwano sikahulumende le Essar simiswe yimicabango yokuthi uhulumende wayefuna ukunika inkampani le okwenjiwayo okunengi okumangalisayo okwakuzakwenza ukuthi ilizwe lithole inzuzo eyingcosana.
XS
SM
MD
LG