amalinks wokungena

Breaking News

UMnangagwa, uRamaphosa Labanye Bazakwenza Umhlangano Wokuzama Ukulwisana Lamalwecatsha eMozambique


UMongameli Emmerson Mnangagwa loMongameli Mokgweetsi Masisi wakwele Bostwana benze umhlangano eHarare ngeviki ephelileyo lapho abahlaziye okwenzakala eMozambique .

Inkokheli yeSouthern African Development Community ikhangelelwe ukuba izakwenza umhlangano weSADC Organ on Politics, Defence and Security kunsukwana ezilandelayo ikhulumisana ngokwenzakala kwele Mozambique lapho amalwecatsha eIslamic State abulala abantu mahlayana.

Iphephandaba leSunday Mail libika ukuba uMongameli Emmerson Mnangagwa, uMongameli Cyril Ramaphosa wakwele South Africa, uMongameli Mokgweetsi Masisi wakwele Botswana, bazangena umhlangano lo kulandela ukuhluthunwa kwedolobho lePalma eliduzane lesakhiwo esikhulu senkampani yeTotal, eyaziwa ngokulungisa amafutha ezimota lokunye.

Ilizwe lakwele South Africa kubikwa selizama ukuhlenga izizalwane zalo kuleyondawo. Kubikwa ukuba amalwecatsha la angacina engena eZimbabwe nxa amazwe asemhlubulweni weSADC engaqoqanga amabutho omanyano azalwisana leISIS.

Inhlanganiso ezitshiyeneyo zibika ukuthi amalwecatsha la asebulele abantu abedlula inkulungwane ezimbili lengxenye - 2,225 kwathi abafika phose isigidi - 700,000 babaleka emizini yabo ezabelweni ezinengi.

Facebook Forum

XS
SM
MD
LG