amalinks wokungena

Breaking News

Amalunga Edale Lephalamende Avotela Isisekelo Esitsha Sombuso Welizwe

  • Gibbs Dube

Amalunga edale lephalamende edlula ikhulu lamatshumi amahlanu – 156 – ngoLwesine avotele ukuthi sokumele ele Zimbabwe libe lesisekelo esitsha sombuso welizwe esavotelwa nguzulu ngombimbitho kukhetho lwe referendum.

Amalunga la athabe okumangalisayo ngesikhathi umlawuli wedale le phalamende esithi iConstitution of Zimbabwe Amendment Number 20 Bill isivotelwe ngamalunga wonke akade ekhona edale.

Amalunga la aqalise ukuhluza iConstitution Bill le izolo kwathi-ke lamuhla baguqula kancane akade kungabhalwanga ngeSilungu esibalulekileyo lokunye okungatsho lutho.

Amalunga la avela kumabandla ezombusazwe atshiyeneyo ayivotele okufanayo iConstitution Bill kungakhethi ukuthi akuliphi ibandla.

Unkosikazi Joice Mujuru umsekeli kaMongameli Robert Mugabe, okade esedale kusenzakala konke lokhu, ubonakale ehlabela okwamagama loMnu. Nelson Chamisa webandla le MDC-T kanye lo Mnu. Saviour Kasukuwere webandla le Zanu PF.

Kade bethakazelela ukuthi ilizwe selizakuba lesisekelo esitsha sombuso welizwe. Ukuze sizwe okunengi okwenzakale edale lephalamende sixhume uMnu. Albert Mhlanga omele iPumula edale lephalamende.
please wait

No media source currently available

0:00 0:02:11 0:00
Lapho esitholakala khona
XS
SM
MD
LG