NKAYI —
Izakhamizi zeNkayi zithi ilizwe lithakazelela iminyaka engamatshumi amathathu lantathu kazibuse lonyaka kumele kukhulunyiswane ngamanxeba ayizolo kukhunyiswane umlotha njalo kuqiniswe inkuthazo yokulondoloza ukuthula ngesikhathi sokhetho olungela kwethuselana.
Izakhamizi zeNkayi zithi abalwa impi yenkululeko bangabe basebenzela uzibuse welizwe kodwa lokhu akutsho ukuba lokhu kubapha ilungelo lokwethusela lokubamba ngamandla uzulu ukuthi akhethe bani kumbe ibandla liphi kukhetho oluzayo.
UMnumzana Elijah Ncube oyisakhamuzi, uthi nxa kunanzwa uzibuse kumele kukhunjulwe ukuthi uzibuse lo utsho ukuthi uzulu ulelungelo lokukhetha inkokheli ayifunayo njalo aphathe ukhetho ngokuthula hatshi ukuthi abalwa impi yenkululeko babe ngontando kayiphikiswa abazenzela intando phezu kukazulu.
Esinye njalo isakhamuzi, uMnu. Alfred Sikhosana, uthi ukhangelele ukuthi ngemva kweminyaka eminengi kangaka kube lozibuse, ilizwe lanelise ukuqeda udlakela, abantu baphilisane ngokuthula lanxa kuthe kwaphathwa ukhetho.
Umnu. Mekiya Ndlovu, laye oyisakhamuzi eNkayi, uthi kuqakathekile ukuthi lapho kuthakazelelwa uzibuse kukhunjulwe amaphutha ayizolo anjenge Gukurahundi adinga ukulungiswa.
Uthi kakhethi mhlobo kodwa kumele kukhunyiswane umlotha ukuze uzulu enelise ukwembela amaphutha ayizolo.
Abantu abanengi ezabelweni ezitshiyeneyo bathi kabahambanga embuthanweni yokuthakazelela uzibuse we Zimbabwe.
Bathi akulalutho okubakhange ukuthi baye kulezondawo ezinjenge Lupane Business Center, White City Stadium kanye le National Sports Stadium ngenxa yokuthi bayadubeka.
UNkosazana Cynthia Manjoro isakhamuzi se Harare njalo olwela ilungelo loluntu utshele ugibbs dube ukuthi kusakude phambili ukuthi abantu be Zimbabwe bazibuse kungela migoqo yokubancindezela.
Kodwa uNkosikazi Zodwa Ncube we Daluka ward eLupane esabelweni se Matabeleland North uthi uyalijabulela ilanga leli loba efuna ukuthi abhadalwe imali yokuthi wayese Botswana ngesikhathi ilizwe lingakatholi uzibuse.
Izakhamizi zeNkayi zithi abalwa impi yenkululeko bangabe basebenzela uzibuse welizwe kodwa lokhu akutsho ukuba lokhu kubapha ilungelo lokwethusela lokubamba ngamandla uzulu ukuthi akhethe bani kumbe ibandla liphi kukhetho oluzayo.
UMnumzana Elijah Ncube oyisakhamuzi, uthi nxa kunanzwa uzibuse kumele kukhunjulwe ukuthi uzibuse lo utsho ukuthi uzulu ulelungelo lokukhetha inkokheli ayifunayo njalo aphathe ukhetho ngokuthula hatshi ukuthi abalwa impi yenkululeko babe ngontando kayiphikiswa abazenzela intando phezu kukazulu.
Esinye njalo isakhamuzi, uMnu. Alfred Sikhosana, uthi ukhangelele ukuthi ngemva kweminyaka eminengi kangaka kube lozibuse, ilizwe lanelise ukuqeda udlakela, abantu baphilisane ngokuthula lanxa kuthe kwaphathwa ukhetho.
Umnu. Mekiya Ndlovu, laye oyisakhamuzi eNkayi, uthi kuqakathekile ukuthi lapho kuthakazelelwa uzibuse kukhunjulwe amaphutha ayizolo anjenge Gukurahundi adinga ukulungiswa.
Uthi kakhethi mhlobo kodwa kumele kukhunyiswane umlotha ukuze uzulu enelise ukwembela amaphutha ayizolo.
Abantu abanengi ezabelweni ezitshiyeneyo bathi kabahambanga embuthanweni yokuthakazelela uzibuse we Zimbabwe.
Bathi akulalutho okubakhange ukuthi baye kulezondawo ezinjenge Lupane Business Center, White City Stadium kanye le National Sports Stadium ngenxa yokuthi bayadubeka.
UNkosazana Cynthia Manjoro isakhamuzi se Harare njalo olwela ilungelo loluntu utshele ugibbs dube ukuthi kusakude phambili ukuthi abantu be Zimbabwe bazibuse kungela migoqo yokubancindezela.
Kodwa uNkosikazi Zodwa Ncube we Daluka ward eLupane esabelweni se Matabeleland North uthi uyalijabulela ilanga leli loba efuna ukuthi abhadalwe imali yokuthi wayese Botswana ngesikhathi ilizwe lingakatholi uzibuse.