amalinks wokungena

Breaking News

Abantu Abane Badilikelwa Ngumgodi eGwanda

  • Gibbs Dube

Izakhamizi ze Gwanda esabelweni se Matabeleland South zibikwa zisehluleka ukuphanda abantu abane abadilikelwe ngumgodi ngoMgqibelo abanakanelwa ukuthi kade besemba igolide okungekho emthethweni.

Umnu. Buletsi Nyathi owenhlanganiso yabakumsebenzi wokwemba imigodi iYoung Mining Council of Zimbabwe uthi iGwanda Fire Brigade isiyehlulekile layo ukuhlenga abantu laba okucatshangelwa ukuthi bangabe sebefile.

UNyathi uthi amapholisa eGwanda lawo lokhe elindile phandle komgodi njengoba uphuma intuthu emangalisayo.

Uthi izakhamizi zisebenzisa konke ezikutholayo emizameni yokuhlenga abantu laba abaziwa ngokuphanda igolide okungekho emthethweni.

Uphinde wathi iGwanda Fire Brigade ijayele ukwehluleka ukunceda abantu nxa besenkungeni ezinje njengoba kwesinye iyake ifike okulodubo khona ingela manzi kumbe umtshina ungasebenzi.

Amapholisa edolobheni le Gwanda athe angeke akhulume okunengi ngaloludaba ngenxa yokuthi asaluhlolisisa.
XS
SM
MD
LG