amalinks wokungena

Breaking News

Izifundi Zemakolitshini Kazitholi Imisebenzi


Izifundi ezinengi kazitholi imisebenzi eZimbabwe. (Photo/Arthur Chigoriwa)

Izifundi ezedlula inkulungwane ezingamakhulu amathathu ziyaqeda izifundo emakolitshini atshiyeneyo eZimbabwe ngomyaka owodwa.

Inengi lazo kazitholi imisebenzi njengoba ilizwe libhekane lomnotho onciphayo okumangalisayo.

Uhulumende uthi inani lalabo abangasebenziyo liyisilinganiso esiphose sifike okulitshumi lanye ekhulwini – 10.7 percent loba ingcwethi zenotho ezizimele zodwa zisithi ledlula okuyisilinganiso sokungamatshumi ayizitshiyangalo mbili – 80 percent.

Lokhu kwenza ukuthi izifundi ezivela emakolitshini ezinengi okwamagama zithengise amatamatisi, amakhabitshi lokunye okutshiyeneyo.

Kuhlanhla lakuqala lodaba lolu, uGibbs Dube weStudio 7 ukhangela izikhalazo zezifundi ezaqeda infundo ephezulu emakolitshini kodwa ezingelamisebenzi.

UBhekimpilo Ndlovu, owaqeda izifundo zeActural Science ekolitshini leNational University of Science and Technology ngomnyaka ophelileyo, lokhe edinga umsebenzi. Usephande yonke indawo waze waginqa.

Uthi Amankampani amanengi kawaqhatshi njengoba umnotho.

Omunye wakhe ohluphekayo ngocele ukuthi sisebenzise igama elithi Sabelo owayefunda eSouth Africa waphenduka ekhaya eselesithupha sokuba ligqwetha.

Uthi imisebenzi kayitholakali.

Ingcwethi kwezemfundo, uMnu. Nkululeko Sibanda, uthi imfundo yeZimbabwe kayenzelwanga ukuthi abafundi abaphuma emakolitshini bazimele bodwa.

USibanda uthi lokhu kumele kulungiswe njengoba izifundi ezinengi zicina zingasebenzi kumbe zisiya kwamanye amazwe lapho ezidinga khona imsebenzi.

XS
SM
MD
LG