amalinks wokungena

Breaking News

Ibandla leZanu PF Lidla Amalahle Ngezijeziso Zenotho Ezengezelelwa Ngomnyaka NguMongameli Trump


UMongameli Emmerson Mnangagwa, umsekeli wakhe uRetired General Constantino Chiwenga lenkokheli yebutho. (AP Photo/Tsvangirayi Mukwazhi)

Ibandla leZanu PF lidla amalahle ngokwengezelelwa kwezijeziso zenotho ngesikhathi uzulu esithi wenze kahle uMongameli Donald Trump othi uhulumende kaMongameli Emmerson Mnangagwa uqhubekela phambili ekhahlameza uzulu kwele Zimbabwe.

UTrump, osebenzise umthetho owethulwa ngowayengumongameli uMnu. George Bush ngomnyaka ka2003 obizwa ngokuthi yiExecutive Order 13288, wengezelele ngomnyaka izijeziso zenotho ezafakelwa inkokheli yebandla leZanu PF esithi uhulumende kaMnangagwa uqhubekela phambili esephula ilungelo likazulu. Kodwa-ke lokhu sokucaphule abalandeli bebandla elibusayo.

UMnu. Malaki Nkomo, owake wamele isigaba seInsiza South edale lephalamende ekubandla leZanu PF ngomunye wabadla amalahle ngokwenziwe nguTrump.

UNkomo uthi ilizwe leMelika kumele libe lobufakazi bokuthi amasotsha akhahlameza uzulu.

Uthi kunzima ukuthi ibandla leZanu PF lilungise okufunwa lilizwe leMelika elithi sokuzalele ingwe kwele Zimbabwe.

Kodwa uNkosazana Thabitha Khumalo, umgcinisihlalo webandla leMDC elikhokhelwa nguMnu. Nelson Chamisa, uthi wenze kahle uTrump.

Uthi akusensuku zatshwala ukuba uzulu azikhulule.

Abantu abanengi bathi uTrump wenze akade bekukhangelele. Omunye wabancoma akwenzileyo nguMnu. Thulani Mbulani, isakhamuzi sakoBulawayo.

UMnu. Sogogwana Moyo, ohlala eGokwe, usekela imibona kaMbulani.

Uphinde wathi abantu bayahlupheka ngenxa yombuso kaMnangagwa.

Kulenkokheli yebandla leZanu PF efika phose amatshumi ayisitshiyagalolunye – 86 kanye lamankampani amanengi afakelwa izijeziso lezi lilizwe leMelika.

Uhulumende weZimbabwe useqhatshe amankampani eMelika ukuthi azame ukukhankasela ukuba zesulwe izijeziso lezi. Kwakukhangelelwe ukuthi uMnangagwa uzaguqula ezombusazwe kulandela ukususwa kowayengumongameli umuyi uRobert Mugabe esikhundleni ngomnyaka ka2017.

Batshaya Phansi Ngenduku Abasekeli Bebandla leZanu PF Ngezijeziso Zenotho
please wait

No media source currently available

0:00 0:04:45 0:00


Facebook Forum

XS
SM
MD
LG