amalinks wokungena

Breaking News

Izifundi zeGreat Zimbabwe University Zingqikilana Lezinye Kumncintiswano Wezemithetho


Izifundi zekolitshi leGreat Zimbabwe ezikumncintiswano weJessup International eWashington DC. Lapho zilomqondisi wazo uMnu. Victor Nkiwane.

Kulezizalwane zeZimbabwe ezine ezikumncintiswano weJessup International Law Moot Court Competition owenzelwa eWashington kwele Melika.

Izifundi zekolitshi yemfundo ephezulu eye Great Zimbabwe zingqikilana lezinye ezivela emakolitshini afundisa ezomthethwandaba angamakhulu amahlanu – 500.

Kumncintiswano lo, zizadlana ingqondo ngomzekeliso wamazwe amabili alwisana kwezokulolonga izikhali ze-nuclear, ezobudlelwano lokuthengiselana impahla lokunye okutshiyeneyo.

Ikolitshi leli langena kumncintiswano ofanayo ngomnyaka ophelileyo laphutsha liphakathi kwamakolitshi alikhulu aveza ukukhalipha kwezemithetho.

Abenza kahle kumncintiswano lo balakho ukuthola imali yemfundo lokuqhatshwa ngamankampani amakhulu bengaqeda izifundo zabo.

UMnu. Victor Nkiwane, umqondisi wohlangothi lweGreat University olubona ngezokufundisa ezomthetho, uthi ukhangelele ukuthi izifundi lezi zizanqoba kumncintiswano lo.

Umcintiswano walonyaka ngowamatshumi amahlanu lasitshiyagalolunye selokhe wasungulwayo.

Ingxoxo Esiyenze LoMnu. Victor Nkiwane
please wait

No media source currently available

0:00 0:02:02 0:00

Facebook Forum

XS
SM
MD
LG