amalinks wokungena

Breaking News

Kasekho uJohnson Mnkandla Owatshela uMugabe Ukuba Axolise Uzulu Ngokwenziwa yiGukurahundi


Owayengumantshi koBulawayo njalo elilunga lebandla leZapu, uMnu. Johnson Mnkandla, kasekho.

Umdeni wakhe uthi uMnkandla, obeleminyaka yokuzalwa engamatshumi ayisitshiyangalombili lanye - 81 ubhubhele edolobheni leli.

Akuvezwanga ukuba ubulewe yisifo bani. Okwamanje sebelungiselela ukumngcwaba eLady Stanely Cemetery.

Umuyi, obelwela ilungelo loluntu, wake watshela owayengumongameli umuyi uRobert Mugabe emhlanganweni koBulawayo ukuba axolise ngokwenzakala eZimbabwe ngesikhathi sombhuqazwe weGukurahundi.

UMugabe wala ukwenza lokhu kwathi uMnkandla wakhahlanyezwa ngabacatshangelwa ukuba babedlelana lokulumende wakhe kulandela isicelo sakhe lesi.

Wacina ebaleka eZimbabwe wayahlala kwele Bhilithane. Uphindele ekhaya ngomnyaka ka2017 uMugabe esesusiwe esikhundleni sikamongameli.

Isikhulumeli sebandla leZapu, uMnu. Patrick Ndlovu, utshele uGibbs Dube weStudio 7 ukuthi umuyi wayeyindoda emadodeni.

Ingxoxo Esiyenze LoMnu. Patrick Ndlovu Webandla leZapu
please wait

No media source currently available

0:00 0:01:31 0:00


Facebook Forum

XS
SM
MD
LG