Kulabanye abantu abachothoza okwenzakala ebulenjini bokuxhumana iSocial Media kube labanye abathi uzulu uselelungelo lokwethula akufunayo. Intathelizindaba ezinengi zithi sokunzima ukusebenzisa okuthunyezwa ebulenjini bokuxhumana ngoba kugcwele amanga njalo leqiniso.
Kodwa abanengi bayavumelana ukuthi ubulembu nokuxhumana kunceda kakhulu ukuthola imibiko etshiyeneyo ikakhulu eyethulwa nguhulumende.
Omunye wabalombono longuMnu. Nqaba Matshazi, umqondisi wenhlelo zebulenjini kuphephandaba leZimbabwe Independent,othi kumele intathelizindaba zilimuke okwethulwa ebulenjini bokuxhumana.
Kodwa uthi kumele intathalizindaba ziqaphela amanga ethulwa ngabanye abantu.
UMnu. Joseph Tshuma okubandla leZanu PF uthi kumele intathelizindaba ziqaphele ubulembu bokuxhumana.
Uthi loba kunjalo ubulembu lobu buqakathekile kakhulu.
Ubulembu bokuxhumana busetshenziswa kakhulu ngabethula imibiko emhlabeni wonke jikelele.
