amalinks wokungena

Breaking News

Kugcotshwa Abasekeli Baka Mnangagwa uRetired General Chiwenga loMohadi


UMongameli Emmerson Mnangagwa labasekeli loChief Justice Luke Malaba bakhe abagcotshwe ngoLwesine.

URetired General Constantino Guveya Chiwenga loMnu. Kembo Mohadi bagcotshwe okusemthethweni ngoLwesine eState House eHarare ukuba ngabasekeli baka Mongameli Emmerson Mnangagwa.

Bekulabantu abanengi emkhosini wokugcotshwa kuka Chiwenga loMohadi okugoqela uMongameli Emmerson Mnangagwa, abakumthethwandaba, izihlobo zabo njalo leziphathamandla kanye lezisebenzi zikahulumende.

UNkosikazi Audrey Mohadi Chikoto, omunye wezihlobo zika Mnu. Kembo Mohadi, ezibukele egcotshwa ukuba ngumsekeli kamongameli, uthe kuhle kakhulu ukuthi uMohadi uselesikhundla esiphezulu kuhulumande.

Kugcotshwa uKembo Mohadi loRetired General Constantino Chiwenga
please wait

No media source currently available

0:00 0:03:32 0:00

UMnu. Kembo Mohadi Junior, indodana kaMohadi, laye ubekhona emkhosini lo lapho atshengise khona ukujabula okumangalisayo ngokugcotshwa kukayise okhangelelwe ukuthi uzasebenza kahle loMnangagwa.

UNkosikazi Lisa Nsingo, udadewabo kaMohadi, uthe ukukhethwa kukamnewabo ukuthi abengumsekeli kaMnangagwa sokuphakamise isigaba sakibo seBeitbridge esabelweni seMatabeleland South lapho okuhlala khona abantu bohlobo lweSiVenda.

Uthi abantu akumelanga bamangaliswe yikukhethwa kwesihlobo sakhe ukuthi sibe ngumsekeli kamongameli. Uthi kunengi abakhangelele ukuthi kuzakwenziwa nguMohadi.

UChiwenga lo Mohadi bakhethwa nguMnangagwa ukuthi babe ngabasekeli bakhe kubandla elibusayo ele Zanu PF ngeviki ephelileyo basebekhethwa okusemthethweni ukuthi bamsekele kuhulumende njengalokho okumunyethwe yisisekelo sombuso welizwe.

Ngaphandle kwabantu abathe gwaqa eState House, bekuleqembu labaculi beZimbabwe Republic Police Band elithokozise abantu njengenhlalayenza.

UMnu. George Nkiwane, owayekunhlanganiso yezisebenzi eye Zimbabwe Congress of Trade Unions, uthe akulalutho oluzakwenzelwa izisebenzi nguMnangagwa labasekeli bakhe.

Ingxoxo Esiyenze LoMnu. George Nkiwane
please wait

No media source currently available

0:00 0:02:06 0:00

Kusenjalo, uMnu. Joseph Tshuma, okubandla leZanu PF, uthe kunengi okumele kwenziwe ngababili laba okukhangelelwe ukuthi basebenze kahle loMnangagwa.

Ingxoxo Esiyenze LoMnu. Joseph Tshuma
please wait

No media source currently available

0:00 0:02:44 0:00

Facebook Forum

XS
SM
MD
LG