amalinks wokungena

Breaking News

Kutshaywa Indoda Eyethulela iMotlanthe Commission Eyakubona Ibutho Libulala Abantu eHarare


Amasotsha atshaya umuntu eHarare ngosuku okwadutshulawa abanye edolobheni leli. (AP)

UMnu. Makomborero Haruzivishe uthi utshaywe ngabantu angabaziyo eHarare kulandela ukwethulela ikhomishini ekhokhelwa nguMnu. Kgalema Motlanthe ngabantu ababulawa libutho lonyaka ngoNcwabakazi.

UHaruzivishe, olilunga lebandla eliphikisayo eleMovement for Democratic Change elikhokhelwa nguMnu. Nelson Chamisa, uthi ubehamba lomngane wakhe aze atshaywe ngabantu laba.

Ungomunye wabantu abethulela ikhomishini kaMotlanthe abakubona kuze kubulawe abantu ngesikhathi kulabanye ababetshengisela bekhonona ngokungethulwa ngesiphangiphangi impumela yokhetho lukamongameli.

Ibandla leMDC lichothoze isenzo lesi lisithi abantu sebezakwesaba ukwethula abakufisayo emihlanganweni yekhokishini le.

Omunye walabo abakukhomishini le, uSikhwicamfundo Lovemore Madhuku, uthi bazahlolisisa udaba lolu.

Kasenelisanga ukukhuluma ngodaba lolu lamapholisa njalo lesikhulumeli sika Mongameli Emmerson Mnangagwa.

Kulesinye njalo isizalwane seZimbabwe, uMnu. Wisdom Mkhwananzi, owabotshwa labanye bakhe koBulawayo besanda kwethula ubufakazi emhlanganweni wekhomishini kaMotlanthe.

UMkhwananzi uthi uMnangagwa wabulala abazali bakhe ebambisana lebutho leGukurahundi elabulala abantu abafika inkulungwane ezingamatshumi amabili ngesikhathi sombhuqazwe weGukurahundi eMatabeleland leNkabazwe ilizwe leZimbabwe lisanda kuthola uzibuse.

Facebook Forum

XS
SM
MD
LG