amalinks wokungena

Breaking News

Amapholisa Avimba eBarbourfields Stadium Obekumele Inkosi yaMaNdebele Inhlangane Lozulu


Prince Bulelani Lobhengula Khumalo

Umcimbi wokugcotshwa kwenkosi obekumele wenziwe ngoMgqibelo koBulawayo enkundleni yemidlalo eBarbourfields Stadium awusenziwanga kulandela isinqumo esithethwe ngumthethwandaba weHigh Court ngoLwesihlanu ethe akukho emthwethweni kwele Zimbabwe.

Laloba abakaMthwakazi bebefunga begomela besithi inkosi iyagcotshwa ngoMgqibelo, lokhu akusenzakalanga ngoba amapholisa avuke evimbe eBaborfields Stadium ehlome ngembobho, imota ezilamatanka amanzi, izinja, kanye lemvubu.

Amapholisa avimbe eBarbourfields Stadium ...
Amapholisa avimbe eBarbourfields Stadium ...

AbakaMthwakazi batshone belinde inkosi emahofisini lapho abaze batshelwa ukuthi inkosi ayisagcotshwa namhla ngenxa yezehlakalo ebezikhona kodwa kuzabekwa olunye usuku olungaqanjwanga.

Abalandeli bakaMthwakazi bebeqgize bephelele imvunulo yaMaNdebele lebutho lenqama lihlomile.

Induna uNhlanhla Khayisa ukhulume labalandeli bakaMthwakazi esithi laloba sekwehlule ukuthi inkosi igcotshwe abantu bazathola ithuba lokuyibona inkosi.

Uthe isehlakalo sayizolo sitshengise ukuthi uhulumende weZimbabwe kahloniphi aMaNdebele.

UPrince Bulelani Lobhengula Khumalo lenduba kanye lomdeni wako Khumalo koBulawayo.
UPrince Bulelani Lobhengula Khumalo lenduba kanye lomdeni wako Khumalo koBulawayo.

UMnu. Letwan Dlodlo, omunye walabo abakade belinde inkosi, uthi bayajabula kakhulu ukuthi sebebone inkosi yabo. Uthi okwalamuhla uzakwethekelela amanxiwa abokhokho bakhe.

Olilunga leMthwakazi Republic Party, uMnu. Mxolisi Mhlanga, uthe ukujabula kwabo akuphelelanga. Ugcizelele esithi umthetho weZimbabwe uyabancindezela.

Ithole lesizwe okumele libe yinkosi yaMaNdebele, uBulelani Lobhengula Khumalo, uhlangane labantu emzini wenduna uNyangazonke eBurnside lapho abelethuba lokubonwa ngabantu kanye lokugiyelwa libutho leNqama.

Udaba Esilethulelwe Ngubathabile Masuku
please wait

No media source currently available

0:00 0:03:34 0:00

Facebook Forum

XS
SM
MD
LG