amalinks wokungena

Breaking News

Kuyaxokozela Kubandla leMDC-T Okulabanye Abathi uMwonzora Weba Imali Yebandla Leli


UMnu. Douglas Mwonzora loNkosazana Thokozani Khupe.

Ibandla leMDC-T lithi kulabantu abatshotshozelwa yizitha zabo ukuba bethuke umkhokheli webandla leli, uMnu. Douglas Mzonzora, abathi weba imali enengi okumangalisayo.

UMnu. Witness Dube, okhokhela uhlangothi olubona ngokwethulwa kwemibiko kubandla leMDC-T, uthi kulomunye njalo olandele unyawo luka Mnu. Kudzanai Mashumba, otshaywa ngabatsha bebandla leli izolo, laye othi uMwonzora weba imali yeMDC-T.

UDube uthi kukhanya engani banengi abafuna ukungcolisa igama lika Mwonzora, owanqoba uNkosazana Thokozani Khupe labanye emhlanganweni oweExtraordinary Congress, owenziwe nyakenye.

Uthi abanye babo bathunywa libandla leMDC Alliance, elikhokhelwa nguMnu. Nelson Chamisa. Kodwa abakubandla leMDC Alliance bathi uDube labanye bakhe basenga ezimithiyo. Okukhulunywa ngabantu bonke lokhu kwake kwavezwa nguMaKhupe owathi kulemali enengi kakhulu eyatshontshwa nguMwonzora.

Kasenelisanga ukuxoxa ngodaba lolu loMwonzora obengaphenduli umakhalekhukhwini wakhe. UDube utshele iStudio 7 ukuthi bakhona ngempela abatshotshozela uzulu ukuba kungcoliswe igama lika Mwonzora.

UMnu. Felix Magalela Mafa, umsekeli wesikhulumeli sebandla leMDC Alliance, uthi uDube labanye bakhe bakhuluma abangakwaziyo.

UMafa ngakho-ke uthi bona okwamanje badinga imali yokuthengela uMnu. Nelson Chamisa imota engeke yabhobozwa zinhlamvu ukwenzela ukuba engabulawa.

Facebook Forum

XS
SM
MD
LG