amalinks wokungena

Breaking News

UNHCR: Liyehla Inani Leziphepheli Ezidabuka eZimbabwe Ezihlala Kwele Botswana


Dukwi Refugee Camp

Ngesikhathi kunanzwa usuku lweziphepheli umhlaba wonke jikelele, eleBotswana lithi inani leziphepheli ezivela emazweni angomakhelwane, okugoqela eleZimbabwe, selehle okwamagama.

Ngomnyaka ka2019, kwakuleziphepheli zeZimbabwe eziphose zifike inkulungwane kwele Botswana. Umbiko okhitshwe luhlangothi olubona ngezomvikela kwele Botswana, utshengisa ukuthi inani leli selehle okwamagama, kwasala abalitshumi lasificamunwe munye - 19 kuphela.

Umabhalane wohlangothi lolu, uNkosikazi Botlhale Makgekgenene uthi eleBotswana selibuyisele emuva iziphepheli ezinengi, ikakhulu ezivela eNamibia kanye leZimbabwe.

“Okwakhathesi sesisele leziphepheli ezingamakhulu ayisikhombisa letshumi (710) enkambeni yeDukwi, kugoqela abeZimbabwe abalitshumi lasificamunwe munye (19).”

Ihlekana leziphepheli ezisele kwele Botswana zikhala ngokuthi impilo yeziphepheli kayilula. Umthetho kawuvumeli ukuthi iziphepheli zisebenze. Kumele ziphile ngokuphiwa ukudla nguhulumende kanye lenhlanganiso ebona ngeziphepheli emhlabeni wonke jikelele eyeUnited Nations High Commission on Refugees. Omunye weziphepheli, ongafisanga ukuvezwa igama, uthi akulula ukuba yisiphepheli ngoba okunengi kubuyela emuva empilweni.

“Impilo yesiphepheli inzima, siphila ngokususa isandla sisiya emlonyeni. Akulanto ongayenza, asivunyelwa ukusebenza. Uphila ngokuphiwa, ucabange umuntu ongangami ephiwa ukudla. Yikuthi nje isimo ekhaya asimanga kuhle, ngabe siyaphindela.”

Uqhubeke esithi lamaphepha abo okuba yiziphepheli athatha isikhathi ukuphuma. Kodwa uthi okuhle yindlela abaphathwa ngayo ekutholeni ezempilakahle.

“Amaphepha akhona athatha isikhathi ukuphuma, ungawanikwa futhi awuwasebenzisi lutho ngoba kawuvunyelwa ukusebenza. Kweze mpilakahle, hayi siphathwa kuhle, akulankinga. Uhlupho yilolu ukuthi uphila ngokuphiwa kokuphela njalo kasivunyelwa ukusebenza.”

Inengi leziphepheli ezisele eDukwi zabaleka eZimbabwe ngesikhathi sokukhankasela ukhetho lokudinga umongameli ngomnyaka ka2008, lapho okwakulodlakela olumangalisayo.

Abanye babekubutho ngakho bayesaba ukuthi bangaphindela ekhaya bazavalelwa entolongweni.Kusenjalo, eleBotswana lithi limangaliswa linani eliphezulu leziphepheli ezisuka emazweni akhatshana afana leDemocratic Republic of Congo, Somalia kanye leEthiopia.

UNkosikazi Makgekgenene, utshele idale lephalamende kuyonale iviki ukuthi abazazi izizatho zokuthi abadinga ubuphepheli beqe amanye amazwe bezewela kwele Botswana.Kumbiko wokukunanza ilanga leziphepheli namuhla, inhlanganiso yeUNHCR ithi inani labantu ababaleka emazweni abo lisiyadinga ubuphepheli kwamanye amazwe, liqonge ngokune ekhulwini (4%) ngomnyaka ka2020, lisiyafika izigidi ezingamatshumi ayisifica minwemibili lambili - 82million.

Liyehla Inani Labadabuka eZimbabwe Abaphephela Kwele Bostwana
please wait

No media source currently available

0:00 0:02:58 0:00


Facebook Forum

XS
SM
MD
LG