amalinks wokungena

Breaking News

UMnangagwa Wethekelela uTsvangirai Ogulayo


UMongameli Emmerson Mnangagwa uhlangana loMnu. Morgan Tsvangirai endlini kaTsvangirai ogulayo.

UMongameli Emmerson Mnangagwa, ekhatshwe ngomunye wabasekeli bakhe uRetired General Constantino Chiwenga, ngoLwesihlanu wethekelele umkhokheli webandla eliphikisayo ele Movement for Democratic Change (MDC-T), uMnumzana Morgan Tsvangirai, ogulayo emzini wakhe oseHighlands eHarare.

UTsvangirai ulomkhuhlane wemvukuzane omlalise phansi.

Lesi senzo sikaMongameli Mnangagwa samukelwe ngemibono eyehlukeneyo ngabantu eZimbabwe abanye besithi wenze kahle njalo kulabanye abathe ngemifanekiso ephuma ezindabeni lasezinkundleni zokuzilibazisa ezebulenjini ezigoqela oFacebook, Twitter lezinye kuveza ukufa kwebandla elikhulu eliphikisayo ele MDC-T.

UMnu. Pride Mkono uthe lolu luhlelo lukaMongameli Mnangagwa olokwengezelela ithuba lakhe lokunqoba kukhetho lwalonyaka ngokuziveza njengomongameli womuntu wonke loba abeMDC njalo elozwelo.

Isikhwicamfundo, uProfessor Lovemore Madhuku, uthe okwenzwe ngumongameli yinto ehloniphekeya njalo yinto okumele yamukelwe ngumuntu wonke kwezombusazwe eZimbabwe.

Ingcwethi kwezombusazwe, uMnu. Tjenesani Ntungakwa, uthe leli linyathelo lithethwe ngumuntu ohlakaniphileyo kwezombusazwe.

Utshayele uMnangagwa ihlombe ngakwenzileyo.

UMnu. Nkanyiso Nxumalo laye uthe okwenziwe ngumongameli kutshengisa ukuthi ngumuntu olenhloso yokubambanisa abantu njalo lokhu kuzamlethela amavoti ngokhetho lwalonyaka.

UMnangagwa ubekhatshwe ngomunye wabasekeli bakhe uRetired General Constantino Chiwenga esiyabona uTsvangirai emzini wakhe.

Imifanekiso ephume kuloluhambo yiyo evuse ukuxokozela kwabanye abathi uTsvangirai sokumele adedele omunye wabasekeli bakhe ekukhokheleni ibandla leMDC-T ngoba limifanekiso imveza engasaphathekanga, okokuthi akusamelanga aqhubeke ekhokhela ngoba kungabe sokumsinda.

Kwezinye indaba eziphuma eHarare, umthetho osalolongwa wokukhumisana umlotha lokuxolelana, iBill eye National Peace on Reconcialition ngoLwesihlanu ipasisiwe ukuba ngumthetho kulandela insolo kazulu ngokuswelakala komthetho ongandulela abantu ukuthi babhodlise inhliziyo ngenhlungu zokubulawelwa izihlobo ngezombusazwe.

Kusenjalo, obengumpathintambo wezemali kuhulumende kowayengumongameli Robert Mugabe engakabotshwa, uMnu. Ignatius Chombo, uzabuyela emthethwandaba ngoMvulo lapho akhangalelwe ukucela ukuthi ayekethiselwe eminye yemigoqo ayibekelwe nyakenye phansi kweziqondiso zokuhlawulela kwakhe imali yesibambiso.

Abanye Abantu Bachothoza uMnangagwa Owethekelele uTsvangirai
please wait

No media source currently available

0:00 0:03:26 0:00

Facebook Forum

XS
SM
MD
LG