amalinks wokungena

Breaking News

Amagqwetha Asephanyeka Njalo Emthethwandaba Udaba Lokuvimba uLuke Malaba Ukuba Engabuyeli Emsebenzini


FILE: UChief Justice Luke Malaba lomkakhe ngosuku kuvulwa okusemthethweni imithethwandaba koBulawayo.
FILE: UChief Justice Luke Malaba lomkakhe ngosuku kuvulwa okusemthethweni imithethwandaba koBulawayo.

Amagqwetha amele uDokotela Musa Kika, owenhlanganiso yeZimbabwe Human Rights NGO Forum, abuyele emthethwandaba namuhla lapho aphikisa khona okwethulwe ngabahluli bedale leHigh Court abathe uChief Justice Luke Malaba kephulanga umthetho kulandela ukubuyela kwakhe emsebenzini yena wayemiswe lidale leli.

Amagqwetha la athi kawavumelani lesinqumo esethulwe nguJustice Amy Tsanga lo Justice Slyvia Chirawu-Mugomba abathe uMalaba walandela umthetho ngokubuyela kwakhe ewofisini ngoba okwakwethulwa ngabahluli abathatha abamisa ubamisa uMalaba umsebenzi kwasekufakwe eceleni kulandela isicelo sokwenza njalo ngabemele uhulumende abaphanyeka udaba lolu emthethwandaba.

Kodwa-ke lokhu betshukana emthethwanda ngodaba lolu abamele uKika labatshutshisi abasekela isinqumo esinziwe izolo.

UMnu. Thabani Mpofu, omunye wabamele uKika, wethule umbiko enkundleni yokuxhumana eyeTwitter esithi kabavumelani ngitsho lakancane lokwethulwe ngabahluli bedale leHigh Court izolo.

Kusenjalo, kulabanye abantu abathi okwethulwe ngumthethwandaba akubethusi. Omunye wabo nguMnu. Collins Ncube, ohlala eHarare.

UMnu. Ndaniso Mpande, ohlala eGwanda uthi kuyayangisa lokho osekusenziwa nguMalaba.

Ingcwethi ecubungula ezombusazwe lokuhlalisana kuhle kwabantu, UMNU. Tjenesani Ntungakwa, ulombono ofanayo.

Lokhu kusekelwa nguMnu. Mlindelwa Mancitshana, laye oyingcwethi kwezombusazwe.

Uthi kayisahlonitshwa imithethwandaba.

Kodwa uMnu. Joseph Tshuma webandla leZanu PF uthi okwethulwe ngabahluli kuveza ukuba iyalandelwa imithetho eZimbabwe.

Akwaziwa ukuba luzaphetha ngani udaba luka Malaba emithethwandaba njengoba elesikhundla esiphezulu eZimbabwe. UMongameli Emmerson Mnangagwa wengeza iminyaka yokusebenza kuka Malaba elandela umthetho weZimbabwe Constitution Amendment (Number 2) Act.

XS
SM
MD
LG